កិច្ចប្រជុំវេទិកាស្ត្រី ស្ដីពី «តម្រូវការបច្ចេកវិទ្យា គមនាគមន៍ ព័ត៌មានវិទ្យា ក្នុងការបញ្ចប់អំពើហិង្សាលើស្ត្រី»

កម្មវិធីស្ត្រី នៃអង្គការវិទ្យាស្ថានបើកទូលាយបានរៀបចំកិច្ចប្រជុំវេទិកាស្ត្រីចំនួន៣លើកលើប្រធានបទស្ដីពី «តម្រូវការ បច្ចេកវិទ្យា គមនាគមន៍ ព័ត៌មានវិទ្យា ក្នុងការបញ្ចប់អំពើហិង្សាលើស្ត្រី» ក្នុងគោលបំណងពិភាក្សាអំពីបញ្ហាប្រឈមនានារបស់ស្ត្រី និងធ្វើការវិភាគស្វែងរកយុទ្ធសាស្ត្រ និងការតស៊ូមតិសមស្រប ដើម្បីឈានរកដំណោះស្រាយជារួមសម្រាប់បញ្ហានេះ ។ វេទិកាស្ត្រីមានការចូលរួមពីសំណាក់តំណាងអង្គការមិនមែនរដ្ឋាភិបាល និងស្ថាប័នដែលធ្វើការងារអំពីស្ត្រី និងសិទ្ធិ ។ កិច្ចប្រជុំវេទិកាស្ត្រីធ្វើឡើងជារៀងរាល់ខែ។

លទ្ធផលនៃកិច្ចប្រជុំទាំង៣លើកនេះនឹងត្រូវបានបង្ហាញនៅក្នុងសិក្ខាសាលា នាថ្ងៃទី ២៦ ខែធ្នូ ឆ្នាំ ២០០៨ ដែលត្រូវបានរៀបចំដោយកម្មវិធីស្ត្រី នៃអង្គការវិទ្យាស្ថានបើកទូលាយ ក្រោមកិច្ចសហការជាមួយអគ្គលេខាធិការដ្ឋានព្រឹទ្ធសភា សមាគមអភិវឌ្ឍន៍សុខភាពប្រជាជន អង្គការក្រុមអ្នកច្បាប់ការពារសិទ្ធិកម្ពុជា គណៈកម្មាធិការលុបបំបាត់រាល់ទំរង់នៃការរើសអើងប្រឆាំងនារីភេទ អង្គការប្រឆាំងអំពើហិង្សាក្នុងគ្រួសារ និងអង្គការអ៊ិកផាត-កម្ពុជា។