ប្រវត្តិរបស់អង្គការ
អង្គការកម្មវិធីអភិវឌ្ឍន៍ស្ត្រីក្នុងសហគមន៍ បានបង្កើតឡើងនៅក្នុងឆ្នាំ១៩៩៨ ជាអង្គការ គ្រីស្ទានមួយ ដែលជាកម្មវិធីមួយនៅក្នុងអង្គការសឺវែន ( SERVENTS ) មានសកម្មភាពផ្នែកកម្មវិធីសន្សំឥណទាន ដោយភ្ជាប់ជាមួយការអប់រំសុខភាពបឋមដល់គ្រួសារស្ត្រីក្រីក្រក្នុងសហគមន៍ ចំនួន១៦ភូមិ នៅ ៦សង្កាត់ ក្នុងខណ្ឌមានជ័យ រាជធានីភ្នំពេញ។ នៅក្នុងឆ្នាំ២០០០ អង្គការអភិវឌ្ឍន៍សហគមន៍បានទទួលស្គាល់ជាផ្លូវការពីក្រសួងមហាផ្ទៃ ចុះថ្ងៃទី២៦ ធ្នូ ២០០០។
នៅក្នុងខែមេសា ឆ្នាំ២០០៦ កម្មវិធីសន្សំ-ឥណទានត្រូវបានបញ្ចប់ ដោយការផ្ទេរការទទួលខុសត្រូវទៅសហគមន៍ជាអ្នកអនុវត្តបន្ត។ បន្ទាប់មកអង្គការកម្មវិធីអភិវឌ្ឍន៍ស្ត្រីក្នុងសហគមន៍ បានប្ដូរយុទ្ធសាស្ត្រ ដោយប្រែក្លាយទៅជាកម្មវិធីអភិវឌ្ឍន៍ចម្រុះ មានឈ្មោះថា "ការអប់រំសហគមន៍ដើម្បីកាត់បន្ថយភាពក្រីក្រ" ដែលស្របទៅតាមទិសដៅអង្គការ និងគោលការណ៍កាត់បន្ថយភាពក្រីក្ររបស់រដ្ឋាភិបាល ហើយបានប្ដូរឈ្មោះមកជាអង្គការអភិវឌ្ឍន៍សហគមន៍ "អ.អ.ស" Community Development Organization "CODO" ដែលចេញដោយក្រសួងមហាផ្ទៃ ចុះថ្ងៃទី១៨ ខែធ្នូ ឆ្នាំ២០០៧។
ប្រវត្តិ ស៊ី ឌី ខេម
កម្មវិធីពង្រឹងសិទ្ធិជាម្ចាស់ដល់ស្ត្រី គឺជាកម្មវិធីដ៏ជោគជ័យមួយ ដែលបានផ្ដល់ដល់ស្ត្រីនូវការអប់រំ និងបង្កើនសេដ្ឋកិច្ចគ្រួសារ ដែលអាចវាស់វែងបានពីលទ្ធផល និងនិរន្តរភាពនៃគម្រោង។ នៅក្នុងប្រទេសកម្ពុជា កម្មវិធីនេះបានផ្ដល់ឱកាសដល់ស្ត្រី ក្នុងការពង្រឹងសមត្ថភាពដែលមានស្រាប់របស់ពួកគេ ដើម្បីគ្រប់គ្រងការរស់នៅ និងអនាគតរបស់គេឲ្យកាន់តែប្រសើរឡើង តាមរយៈរៀនអក្ខរកម្ម សន្សំប្រាក់ និងក្រុមធនាគារភូមិ។ កម្មវិធីនេះគឺជាកម្មវិធីដែលប្រកបដោយនិរន្តរភាព និងមានគម្រោងពង្រីកឲ្យបានដល់ស្ត្រីចំនួន១០០ ០០០នាក់។
ប្រវត្តិអង្គការប្រឆាំងអំពើហិង្សាក្នុងគ្រួសារ