លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី ធ្វើការសំណេះសំណាលជាមួយនិស្សិតនៃសកលវិទ្យាល័យភូមិន្ទភ្នំពេញព័ត៌មានខ្លី
ដើម្បីចូលរួមជាមួយពិភពលោកអបអរសាទរខួប លើកទី ៩៩ ឆ្នាំ នៃទិវានារីអន្តជាតិ ៨ មីនា ក្រសួងកិច្ចការនារីបានរៀបចំការតាំងពិព័រណ៍រួមមួយនៅឯ សកលវិទ្យាល័យភូមិន្ទភ្នំពេញនាព្រឹកថ្ងៃទី ៤ មីនានេះ ក្រោមប្រធានបទ «រួមគ្នាបង្កើនសក្ដានុពលរបស់ស្ត្រី និងយុវវ័យដើម្បីអភិវឌ្ឍន៍សង្គមជាតិ»។
គោលបំណងនៃពិធីនេះគឺដើម្បីផ្សព្វផ្សាយ ព័ត៌មានដល់សាធារណជន ពិសេសយុវវ័យ ពីស្នាដៃ និងសមិទ្ធផលនានាដែលក្រសួងកិច្ចការនារី និងស្ថាប័នរដ្ឋាភិបាល ដៃគូអភិវឌ្ឍន៍បានអនុវត្ត និងជំរុញការចូលរួមរបស់យុវវ័យក្នុងការអភិវឌ្ឍសង្គម។
លោកជំទាវ សាន្ត អារុណ រដ្ឋលេខាធិការក្រសួងកិច្ចការនារី និងក្រុមការងារនៃអង្គការវិទ្យាស្ថានបើកទូលាយនៅក្នុងចំណោមប្រមាណជា ២៦ ស្តង់ អង្គការវិទ្យាស្ថានបើកទូលាយក៏មានស្តង់របស់ខ្លួនដាក់តាំងបង្ហាញ សមិទ្ធផលមួយចំនួនរបស់អង្គការផងដែរ ដែលក្នុងនោះមានសម្ភារៈព័ត៌មាន អប់រំ និងទំនាក់ទំនង (Information, Education, and Communication) ទាក់ទិននឹងវិបផតថលរបស់ស្ត្រី (Women WebPortal) និងការប្រើប្រាស់បច្ចេកវិទ្យា គមនាគមន៍ ព័ត៌មានវិទ្យា ដើម្បីកាត់បន្ថយអំពើហិង្សាមកលើស្ត្រី។ អង្គការវិទ្យាស្ថានបើកទូលាយក៏មានផ្តល់សំណួរទាក់ទិននឹងសិទ្ធិស្រ្តីដល់ អ្នកមកចូលទស្សនាស្តង់របស់ខ្ឡួនដែរ។ សម្រាប់អ្នកឆ្លើយត្រូវគឺបានរង្វាន់អាវយឺតមួយ។
សកម្មភាពនៃពិព័រណ៌សម្ដេចអគ្គមហាសេនាបតីតេជោ ហ៊ុន សែន និងលោកជំទាវ ក៏បានចូលរួមដ៏ខ្ពង់ខ្ពស់នៅក្នុងពិធីនោះដែរ ដោយរួមទាំងមន្រ្តីរាជការ មន្រ្តីសង្គមស៊ីវិ កងកម្លាំងប្រដាប់អាវុធ និងនិសិត្សរាប់រយនាក់ផង៕
