អង្គការវិទ្យាស្ថានបើកទូលាយ

របាយការណ៍អង្គេតតាមដានការចេញផ្សាយព័ត៌មានអំពីស្ត្រី

11-07-2008 អង្គការវិទ្យាស្ថានបើកទូលាយ

ដើម្បីចូលរួមអបអរសាទរទិវាសិទ្ធិនារីអន្តរជាតិ៨មិនា ឆ្នាំ២០០៨ កម្មវិធីស្ត្រី នៃអង្គការវិទ្យាស្ថានបើកទូលាយបានកំណត់យកប្រធានបទ «ស្ត្រី និងភាពម្ចាស់ការ» និងបានរៀបចំនូវសកម្មភាពមួយចំនួន សម្រាប់ទិវានាឆ្នាំនេះ។ កម្មវិធីស្ត្រីបានរៀបចំ និងជំរុញឲ្យមានការប្រើប្រាស់កំណត់ហេតុបណ្ដាញ វេទិកាលើបណ្ដាញ និងបញ្ជីសំបុត្ររួម gender@lists.open.org.kh ដែលជាមធ្យោបាយអេឡិចត្រូនិកសម្រាប់ការប្រាស្រ័យទាក់ទងដែលមាននៅលើវិបផតថលស្ដីអំពីស្ត្រី សម្រាប់ការពិភាក្សា និងចែករំលែកគំនិត ទស្សនៈអំពីបញ្ហាស្ត្រី និងយេនឌ័រ។

ជាពិសេសទៅទៀតនោះ កម្មវិធីស្ត្រីនៃអង្គការវិទ្យាស្ថានបើកទូលាយបានធ្វើការពិនិត្យតាមដានការផ្សព្វផ្សាយព័ត៌មានរបស់សារព័ត៌មាននានាអំពីស្ត្រី នាឱកាសទិវានារីអន្តរជាតិ៨មិនា ឆ្នាំ២០០៨។

របាយការណ៍អង្គេតតាមដានការចេញផ្សាយព័ត៌មានអំពីស្ត្រី

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន89ដង

ប្រាក់ជំនួយសម្រាប់អង្គការស្ត្រីមានកម្រិត

04-07-2008 អង្គការវិទ្យាស្ថានបើកទូលាយ

បណ្ដាអង្គការនិងចលនាធ្វើការងារអំពីស្ត្រីគឺជាតួអង្គសំខាន់ក្នុងការធ្វើឲ្យមានភាពប្រសើឡើងនូវសិទ្ធិស្ត្រី សមភាពយេនឌ័រ យុត្តិធម៌សង្គមនិងការអភិវឌ្ឍន៍។ នៅប្រទេសកម្ពុជា អង្គការស្ត្រីមានចំនួនតែជាង៣០ ប៉ុណ្ណោះ(តាមព័ត៌មានពីសៀវភៅទំនាក់ទំនងស្ថាប័នរបស់គណៈកម្មាធិការសហប្រតិបត្តិការដើម្បីកម្ពុជា ឆ្នាំ២០០៧)ក្នុងចំណោមអង្គការមិនមែនរដ្ឋាភិបាលក្នុងស្រុកជាង១០០០ដែលបានចុះបញ្ជីនៅក្រសួងមហាផ្ទៃ។ ចំនួននេះកាន់តែតិចទៅទៀត បើយើងបែងចែកប្រភេទអង្គការស្ត្រីដែលធ្វើការទាក់ទងនិងបច្ចេកវិទ្យា គមនាគមន៍និងព័ត៌មានវិទ្យា (ICT)។ ទោះបីអង្គការស្ត្រីមានចំនួនតិចក្ដី ពួកគេតែងត្អូញត្អែរអំពីការលំបាកក្នុងការរកប្រាក់ជំនួយសម្រាប់ដំណើរការអង្គការរបស់ពួកគេ ។ អង្គការស្ត្រីខ្លះកំពុងប្រឈមនិងការបិទទ្វារ ដោយមិនអាចរកប្រាក់មកឧបត្ថម្ភប្រតិបត្តិការរបស់ខ្លួនបាន។

តើក្រុមការងារសិទ្ធិស្ត្រី មិនត្រូវបានស្ថាប័នអ្នកផ្ដល់ជំនួយចាប់អារម្មណ៍ ដោយសារតែស្ថាប័នទាំងនោះមិនបានយល់អំពីភាពបន្ទាន់និងសារសំខាន់នៃការងារសិទ្ធិស្ត្រីឬយ៉ាងណា?

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន87ដង

ការចូលរួមរបស់ស្ត្រីក្នុងតួនាទីធ្វើសេចក្ដីសម្រេច

14-10-2008 អង្គការវិទ្យាស្ថានបើកទូលាយ

ក្នុងបទវិចារណាលេខ៣៦ ចេញផ្សាយថ្ងៃ ៧ សីហា ក្រោមចំណងជើង "យើងសង្ឃឹមថា រដ្ឋាភិបាលអាណត្តិថ្មីនឹងមានស្ត្រីចូលរួមច្រើន"យើងបានសម្ដែងនូវការសង្ឃឹមចំពោះការចូលរួមរបស់ស្ត្រីឲ្យបានច្រើនក្នុងរដ្ឋាភិបាលថ្មីអាណត្តទី៤។ ក្រោយការរៀបចំរដ្ឋាភិបាលថ្មី យើងឃើញថាចំនួនស្ត្រី ចូលរួមក្នុងតួនាទីធ្វើសេចក្ដីសម្រេចនិងដឹកនាំមានការកើនឡើងគួរកត់សម្គាល់។

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន56ដង

សមាសភាពប្រធាន អនុប្រធានរដ្ឋសភា និងប្រធាន អនុប្រធានគណៈកម្មការជំនាញទាំង ៩ នៃរដ្ឋសភា និងសមាសភាពរបស់រដ្ឋាភិបាល នៃព្រះរាជាណាចក្រកម្ពុជា សម្រាប់នីតិកាលទី ៤ នៃរដ្ឋសភា

10-10-2008 អង្គការវិទ្យាស្ថានបើកទូលាយ

កាលពីថ្ងៃទី ២៤ ខែ កញ្ញា ឆ្នាំ ២០០៨ រដ្ឋសភា និងរាជរដ្ឋាភិបាលបានប្រកាសនូវបញ្ជីសមាសភាពប្រធាន អនុប្រធានរដ្ឋសភា និងប្រធាន អនុប្រធានគណៈកម្មការជំនាញទាំង ៩ នៃរដ្ឋសភា និងសមាសភាពរបស់រដ្ឋាភិបាល នៃព្រះរាជាណាចក្រកម្ពុជា សម្រាប់នីតិកាលទី ៤ នៃរដ្ឋសភា ។

សមាសភាពប្រធាន អនុប្រធានរដ្ឋសភា និងប្រធាន អនុប្រធានគណៈកម្មការជំនាញទាំង ៩ នៃរដ្ឋសភា មានចំនួន ២១ នាក់ ដែលក្នុងនោះមានសមាសភាពជាស្ត្រី មានចំនួន ៤ នាក់ និងសមាសភាពជាបុរសមានចំនួន ១៧ នាក់ គឺសមាសភាពជាស្ត្រីស្មើនឹង ១៩%។

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន81ដង

ការប្រកាសជ្រើសរើស អ្នកនិពន្ធឯករាជ្យ អ្នករដ្ឋបាល និងគណនេយ្យករ នៃអង្គការវិទ្យាស្ថានបើកទូលាយ

03-10-2008 អង្គការវិទ្យាស្ថានបើកទូលាយ

វិទ្យាស្ថានបើកទូលាយ ជាអង្គការមិនមែនរដ្ឋាភិបាលក្នុងស្រុកមួយ មិនស្វែងរកចំណេញ ត្រូវបានបង្កើតឡើងក្នុងគោលបំណងផ្ដល់ព័ត៌មាន មធ្យោបាយ និងចំណេះដឹង និងជំរុញដល់ការពិភាក្សាក្នុងសង្គម ។ កម្មវិធីសំខាន់ៗរបស់អង្គការរួមមាន ៖ កម្មវិធីស្ត្រី (Women Empowerment for Social Change) គម្រោងផ្ដួចផ្ដើមកម្មវិធីកុំព្យូទ័រភាសាខ្មែរ (KhmerOS) កម្មវិធីសាលារៀនបើកចំហ (Open School Program) ការសិក្សាបើកទូលាយ(E-Learning) ការចងក្រងវចនានុក្រមភាសាខ្មែរ (Lexicography) និងការបោះពុម្ពផ្សាយ (Publications) ។

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន93ដង

សក្ដានុពលនៃការធ្វើធុរកិច្ចនៅកម្ពុជា

15-09-2008 អង្គការវិទ្យាស្ថានបើកទូលាយ

មានព័ត៌មានគួរឲ្យរីករាយមួយ ស្ដីពី ចំណាត់ថ្នាក់ចំពោះ ភាពងាយស្រួលក្នុងការធ្វើធុរកិច្ចនៅក្នុងប្រទេសកម្ពុជា បានកើនឡើង១៥ថ្នាក់ លើសពីឆ្នាំមុន ដែលជាចំណាត់ថ្នាក់ខ្ពស់ជាងប្រទេសដទៃឯទៀតនៅក្នុងតំបន់អាស៊ីបូព៌ា និងដែលធំជាងគេបង្អស់នៅលើពិភពលោក។

តាមសារព័ត៌មាន The Cambodia Daily ឆ្នាំ៤០ លេខ៤៧ច្បាប់ចេញផ្សាយថ្ងៃព្រហស្បតិ៍ទី ១១ កញ្ញា និងសារព័ត៌មានរស្មីកម្ពុជាឆ្នាំ១៦ លេខ៤៦៩១ ច្បាប់ចេញផ្សាយថ្ងៃព្រហស្បតិ៍ទី ១១ បានឲ្យដឹងថា តាមរបាយការណ៍របស់ធនាគារពិភពលោក ការកើនឡើងនៃចំណាត់ថ្នាក់នេះ គឺភាគច្រើនដោយសារតែការអនុវត្តច្បាប់ភូមិបាលនិងច្បាប់ស្ដីពីប្រតិបត្តិការដែលមានកិច្ចធានាជួយឲ្យក្រុមហ៊ុន ទាំងឡាយអាចប្រើប្រាស់ចលនទ្រព្យ និងទ្រព្យអរូបិយផ្សេងៗ ជាវត្ថុបញ្ចាំដើម្បីទទួលបានឥណទាន។ ច្បាប់ក្ស័យធនក៏បានរួមចំណែកធ្វើឲ្យមានការផ្លាស់ប្ដូរចំណាត់ថ្នាក់នេះដែរ។ លោក Stephane Guimbert អ្នកសេដ្ឋកិច្ចជាន់ខ្ពស់នៃធនាគារពិភពលោកប្រចាំនៅកម្ពុជាបានមានប្រសាសន៍ថា" ប្រទេសកម្ពុជាស្ថិតក្នុងតំបន់មួយប្រកបដោយថាមពល" ។ ទោះបីជាមានភាពប្រសើរឡើងក៏ដោយ ក៏ប្រទេសកម្ពុជាទទួលចំណាត់ថ្នាក់ទី១៣៥លើ១៨១ប្រទេស ដែលគេធ្វើការស្រង់មតិ។ ប្រទេសសិង្ហបុរី នៅតែស្ថិតក្នុងចំណាត់ថ្នាក់ខ្ពស់ជាងគេជាមួយប្រទេសញូសេឡែន សហរដ្ឋអាមេរិក ហុងកុង និងដាណឺមាក។ ប្រទេសកុងហ្គោស្ថិតនៅលំដាប់ថ្នាក់ក្រោមគេ គឺលេខ ១៨១។

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន86ដង

ការប្រកាសអំពីបញ្ជីរាយនាមបេក្ខជនជាប់ឆ្នោតជាតំណាងរាស្ត្រអាណត្តទី៤ ដោយគណៈកម្មាធិការជាតិរៀបចំការបោះឆ្នោត

11-09-2008 អង្គការវិទ្យាស្ថានបើកទូលាយ

កាលពីថ្ងៃទី ០២ ខែកញ្ញា ឆ្នាំ ២០០៨ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសអំពី បញ្ជីរាយនាមបេក្ខជនជាប់ឆ្នោតជាតំណាងរាស្ត្រអាណត្តទី៤។ កម្មវិធីស្ត្រី នៃអង្គការវិទ្យាស្ថានបើកទូលាយ បានទទួលការអនុញ្ញាតពីគណៈកម្មាធិការជាតិរៀបចំការបោះឆ្នោត (គ.ជ.ប) ក្នុងការផ្សព្វផ្សាយបន្តនូវការប្រកាសអំពីបញ្ជីរាយនាមបេក្ខជនជាប់ឆ្នោតជាតំណាងរាស្ត្រអាណត្តទី៤នេះ ក្នុងវិបផតថលស្ដីអំពីស្ត្រី។

បញ្ជីរាយនាមបេក្ខជនជាប់ឆ្នោតជាតំណាងរាស្ត្រអាណត្តទី៤ ដែលចេញផ្សាយដោយ គ.ជ.ប

គួររំឡឹកផងដែរថា វិបផតថលស្ដីអំពីស្ត្រី បានចុះផ្សាយរួចម្ដងមកហើយនូវអត្ថបទរបស់សារព័ត៌មានរស្មីកម្ពុជា ចុះថ្ងៃទី ០៣ ខែកញ្ញា ឆ្នាំ ២០០៨ ស្ដីអំពីការប្រកាសរបស់គណៈកម្មាធិការជាតិរៀបចំការបោះឆ្នោត (គ.ជ.ប) អំពីបញ្ជីរាយនាមបេក្ខជនជាប់ឆ្នោតជាតំណាងរាស្ត្រអាណត្តទី៤ នេះ៕

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន61ដង

របាយការណ៍សកម្មភាពគម្រោងកម្មវិធីស្ត្រី

08-09-2008 អង្គការវិទ្យាស្ថានបើកទូលាយ

របាយការណ៍សកម្មភាពគម្រោងកម្មវិធីស្ត្រី៖

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន324ដង

យើងសង្ឃឹមថា រដ្ឋាភិបាលអាណត្តិថ្មីនឹងមានស្ត្រីចូលរួមច្រើន

07-08-2008 អង្គការវិទ្យាស្ថានបើកទូលាយ

ការបោះឆ្នោតសភាអាណត្តទី៤ បានចប់សព្វគ្រប់កាលពីថ្ងៃ ២៧ កក្កដាកន្លងមក។ ទោះបីជាមានភាពមិនប្រក្រតីមួយចំនួនបានកើតឡើងក៏ដោយ ក៏យើងអាចនិយាយបានថា ការបោះឆ្នោតលើកនេះប្រព្រឹត្តទៅដោយរលូន។ នេះសរបញ្ជាក់ពី"ការវិវឌ្ឍន៍លទ្ធិប្រជាធិបតេយ្យមួយជំហានទៀតនៅកម្ពុជា"។ តែអ្វីដែលម្ចាស់ឆ្នោតរងចាំមើលក្រោយការបោះឆ្នោត បន្ទាប់ពីការប្រកាសលទ្ធផលជាផ្លូវការនោះ គឺការបង្កើតសភានិងរដ្ឋាភិបាលថ្មី និងថាតើ រដ្ឋាភិបាលថ្មី មានការយកចិត្តទុកដាក់លើកតម្កើងសិទ្ធិស្ត្រីដែរឬទេ ដោយយើងសង្ឃឹមថា រដ្ឋាភិបាលអាណត្តថ្មីនឹងមានស្ត្រីចូលរួមច្រើន។

នៅប្រទេសកម្ពុជា បើនិយាយអំពីស្ត្រីនិងនយោបាយ ចំនួនស្ត្រីតំណាងរាស្ត្រក្នុងសភា មានមធ្យមភាគទាបជាងបណ្ដាប្រទេសនៅក្នុងតំបន់។ តាមរបាយការណ៍អភិវឌ្ឍធនធានមនុស្ស(Human Development Report 2007-2008-Cambodia) របស់កម្មវិធីអភិវឌ្ឍនៃអង្គការសហប្រជាជាតិ ស្ត្រីដែលមានកៅអីក្នុងសភាមានតែ ១១.៤ ភាគរយនិងថ្នាក់រដ្ឋមន្ត្រីមានតែ ៧.១ ភាគរយតែប៉ុណ្ណោះ ក្នុងពេលដែលកម្លាំងពលកម្មស្ត្រីមានរហូតដល់ទៅ៧៤.៤ ភាគរយឯណោះ។

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន105ដង

បញ្ហាព្រះវិហារនិងការត្រៀមស្មារតីសម្រាប់ការបោះឆ្នោតខាងមុខ

25-07-2008 អង្គការវិទ្យាស្ថានបើកទូលាយ

នៅសល់តែពីរថ្ងៃទៀតទេដល់ពេលបោះឆ្នោតសភាអាណតិ្តទី៤ ដែលនឹងប្រព្រឹត្តិទៅនៅថ្ងៃទី២៧ កក្កដាខាងមុខនេះ។ ជាមួយនិងការត្រៀមស្មារតី ទាំងប្រជាពលរដ្ឋ គណបក្សនយោបាយ និងគណៈកម្មាធិការជាតិរៀបចំការបោះឆ្នោត(គជប) សម្រាប់ការបោះឆ្នោតនោះ គេឃើញមានហេតុការប្រាសាទព្រះវិហារ បានធ្វើឲ្យសាធារណៈជនជាតិនិងអន្តរជាតិបង្វែរការយកចិត្តទុកដាក់របស់ខ្លួន។

កាលពីថ្ងៃទី ៨ ខែកក្កដា សម័យប្រជុំលើកទី ៣២ នៃគណៈកម្មាធិការបេតិកភណ្ឌពិភពលោកបានអនុម័តជាឯកច្ឆន្ទ ចុះបញ្ជីប្រាសាទព្រះវិហារ ជាបេតិកភណ្ឌពិភពលោក។ បញ្ហានេះបានធ្វើឲ្យមានភាពចម្រូងចម្រាសនយោបាយដែលមានស្រាប់ហើយ ក្នុងរដ្ឋាភិបាលថៃជាមួយគណបក្សប្រឆាំងនៃប្រទេសនេះ កាន់តែធ្ងន់ធ្ងរថែមទៀត ។ មួយសប្ដាហ៍ក្រោយមកក៏មានការពង្រាយកម្លាំងយោធានៃប្រទេសទាំងពីរកម្ពុជា-ថៃ។ ការពង្រាយកម្លាំងយោធាកាន់តែកើនឡើង ទន្ទឹមនិងមានចរចាដោយមិនបានសម្រេចវាងភាគីទាំងពីរកម្ពុជា-ថៃកាលពីថ្ងៃច័ន្ទទី ២១ កក្កដា កន្លងមក។ ភាគីថៃ ព្រមទាំងមិនយល់ព្រមទទួលយកការសម្របសម្រួលដែលប្រទេសអាស៊ានស្ម័គ្រចិត្តធ្វើដើម្បីជួយដោះស្រាយវិបត្តិព្រំដែននេះ។ ការបដិសេធរបស់ថៃ បានធ្វើឲ្យសមាគមប្រជាជាតិអាស៊ានស្ថិតក្នុងភាពអសកម្មលើបញ្ហាព្រះវិហារ។ ក្រោយពីកិច្ចចរចាមិនបានសម្រេច សម្ដេចនាយករដ្ឋមន្ត្រី ហ៊ុនសែន កាលពីថ្ងៃទី២១ ក៏បានសរសេរលិខិតទៅលោកអគ្គនាយកអង្គការ UNESCO ដើម្បីស្វែងរកអន្តរាគមន៍ពីស្ថាប័ននេះ។

ចូល ឬ ចុះឈ្មោះ ដើម្បីប្រកាសសេចក្តីអធិប្បាយ
...អានបន្ថែម
អាន78ដង

អង្គការ​វិទ្យាស្ថាន​បើក​ទូលាយ