លោក ប៉ិ វណ្ណៈ មន្ត្រីឃ្លាំមើលអំពើរំលោភកម្រិតធ្ងន់មកលើកុមារកម្ពុជា របស់អង្គការសិទ្ធមនុស្សលីកាដូ បានឲ្យដឹងកាលពីថ្ងៃទី ៣ ខែ កក្កដា កន្លងទៅនេះថា នៅក្នុងរយៈពេល៦ខែ ដើមឆ្នាំ២០០៨នេះ អំពើរំលោភលើកុមារកម្ពុជាដែលអង្គការបានធ្វើការឃ្លាំមើលនោះ គឺកើតមានចំនួន៨៥ករណី ដោយនៅក្នុងនេះមាន៥៤ករណី គឺកើតមានចំនួន៨៥ករណី ដោយនៅក្នុងនេះមាន៥៤ករណី គឺជាករណីរំលោភសេពសន្ថវៈ ចំណែកឯកុមាររងគ្រោះវិញនោះគឺមានរហូតដល់ទៅ៥៦នាក់។
លោកបានបញ្ជាក់ថា នៅក្នុងចំណោមជនរងគ្រោះទាំងនោះ ជនរងគ្រោះមានចាប់ពីអាយុ៥ឆ្នាំ រហូតដល់ក្រោម១៨ឆ្នាំ ហើយករណីខ្លះទៀតជនល្មើសមានតែម្នាក់ទេ តែជនរងគ្រោះមានពីរនាក់ ហើយករណីថ្មីៗនេះ ជនរងគ្រោះពីរនាក់ ជនល្មើសមានរហូតដល់ទៅ២០នាក់។
លោកបានបន្តទៀតថា ផ្អែកទៅតាមទិន្នន័យនេះ យើងអាចសន្និដ្ឋានបានថា អំពើរំលោភគ្មានសញ្ញាធ្លាក់ចុះឡើយ ហើយស្ថានភាពវារឹតតែធ្ងន់ធ្ងរថែមទៀតផង។
លោកបានបញ្ជាក់ថា «ជនល្មើស និងជនរងគ្រោះកាន់តែមានអាយុក្មេងទៅៗ ហើយជនល្មើសខ្លះមានអាយុ១៦ឆ្នាំ។ ជនល្មើសមានទាំងចាស់ ទាំងក្មេង»៕