និយាយរឿងរ៉ាវរបស់អ្នក គឺជាផ្នែកមួយនៃវិបផតថលស្ដីអំពីស្ត្រី ដែលបង្កើតឡើងក្នុងគោលបំណងជំរុញដល់ស្ត្រីក្នុងការចែករំលែក នូវបទពិសោធន៍ កត្តាជោគជ័យ កត្តាគួររៀនសូត្រ មេរៀន ការតស៊ូពុះពារឧបសគ្គ ការតាំងចិត្ត នៅក្នុងជីវិត និងការផ្ដល់ជាអនុសាសន៍ ដល់ស្ត្រីឯទៀត ដើម្បីជាការជំរុញលើកទឹកចិត្តគ្នាទៅវិញទៅមក និងបង្កើនក្ដីសង្ឃឹមក្នុងការផ្លាស់ប្ដូរជីវិតទៅរកស្ថានភាពដ៏ប្រសើរមួយ សំរាប់ស្ត្រីគ្រប់រូប។
វប្បធម៌ស្ងៀមស្ងាត់ មិនបានជំរុញលើកទឹកចិត្តស្ត្រី អោយនិយាយអំពីទុក្ខលំបាក និងកង្វល់ផ្សេងៗដែលលាក់ទុកនៅក្នុងចិត្ត ហើយក៏មិនបានផ្ដល់នូវមធ្យោបាយណាមួយអោយស្ត្រីស្វែងរកជំនួយ នៅពេលពួកគាត់មានបញ្ហា ឬក៏ប្រឈមនឹងការបាក់ទឹកចិត្តឡើយ។ និយាយរឿងរ៉ាវរបស់អ្នក នឹងផ្ដល់ជាទំព័រសំរាប់ស្ត្រី ដើម្បីបញ្ចេញមតិយោបល់ និងបានដឹងនូវរឿងរ៉ាវផ្សេងៗ របស់ស្ត្រីឯទៀត ព្រមទាំងនឹងជួយកាត់បន្ថយភាពឯកោរបស់ស្ត្រី ដែលតែងរមែងគិតថា ប្រហែលជាមានតែរូបគាត់ទេ ដែលប្រឈមមុខជាមួយបញ្ហាផ្សេងៗជាច្រើនក្នុងជីវិត។
ក្រុមការងារស្ត្រីរបស់អង្គការវិទ្យាស្ថានបើកទូលាយ សូមលើកទឹកចិត្តនិងស្វាគមន៍យ៉ាងកក់ក្ដៅ ចំពោះលោកជំទាវ លោកស្រី និងកញ្ញា ដែលមានបំណងចង់ចែករំលែកនូវរឿងរ៉ាវ និងបទពិសោធន៍ជីវិតផ្សេងៗ តាមរយៈវិបផតថលស្ដីអំពីស្ត្រីនេះ។ រឿងរ៉ាវទាំងអស់នោះអាចចងក្រង ដោយរក្សានូវឈ្មោះពិត ឬក៏ប្រើនូវឈ្មោះប្រឌិតណាមួយក៏បាន តាមការស្នើសុំ និងតាមការពេញចិត្ត របស់លោកជំទាវ លោកស្រី និងកញ្ញា។
ប្រសិនបើលោកជំទាវ លោកស្រី និងកញ្ញា មានចំណាប់អារម្មណ៍នឹងចែករំលែកនូវរឿងរ៉ាវជីវិត ឬមានចំងល់ផ្សេងៗ សូមទំនាក់ទំនង៖
អង្គការវិទ្យាស្ថានបើកទូលាយ
ក្រុមការងារស្ត្រី (និយាយរឿងរ៉ាវរបស់អ្នក)
ប្រអប់សំបុត្រ ១៥៥២
ភ្នំពេញ ព្រះរាជាណាចក្រកម្ពុជា
សារអេឡិចត្រូនិច៖ women[@]open.org.kh
ទូរស័ព្ទលេខ៖ ០២៣ ២២៤៨២១