ភ្នំពេញ៖ អតីតអ្នកដើរបង្ហាញម៉ូតអន្តរជាតិ ហើយបច្ចុប្បន្ននេះគឺជាអ្នកចេញម៉ូតល្បីមួយរូប និងជាឯកអគ្គរដ្ឋទូតបំណងល្អរបស់អង្គការយូអេនអេដ (UNAIDS) បានបំពេញទស្សនកិច្ចនៅក្នុងប្រទេសកម្ពុជា ដើម្បីជួយស្ត្រីកម្ពុជាដែលកំពុងតែរស់នៅជាមួយនឹងមេរោគអេដស៍ អាចផលិតផលិតផលសម្រាប់នាំចេញទៅពិភពលោក។
អង្គការកម្មវិធីអភិវឌ្ឍន៍អង្គការសហប្រជាជាតិ (UNDP) បានឲ្យដឹងកាលពីថ្ងៃទី២ ខែកញ្ញា កន្លងទៅនេះថា លោកស្រីប៊ីប៊ី រូសែល (Bibi Russell) អ្នកចេញម៉ូត និងជាឯកអគ្គរដ្ឋទូតបំណងល្អរបស់អង្គការយូអេនអេដបានមកបំពេញទស្សនកិច្ចនៅក្នុងប្រទេសកម្ពុជារយៈពេល៥ថ្ងៃ ហើយបានទៅបំពេញទស្សនកិច្ចនៅតាមកន្លែងផលិតសូត្រមួយចំនួននៅក្នុងខេត្តតាកែវ និងសៀមរាប នៅក្នុងគោលបំណងជំរុញការភ្ជាប់ទំនាក់ទំនងរវាងរោងចក្រដេរប៉ាក់សំលៀកបំពាក់ទាន់សម័យជាមួយនឹងអ្នកផលិតសូត្រនៅតាមមូលដ្ឋានជនបទនៅក្នុងប្រទេសកម្ពុជា។
កាលពីថ្ងៃ ព្រហស្បតិ៍ ទី ១២ ខែ មិថុនា ឆ្នាំ ២០០៨ អង្គការសុខភាពផ្លូវចិត្តគ្មានព្រំដែន ជាអង្គការក្រៅរដ្ឋាភិបាលរបស់ប្រទេសអេស្ប៉ាញ សហការដៃគូរជាមួយមន្ទីរកិច្ចការនារីខេត្ត និង មន្ទីរសុខាភិបាលខេត្ត បានបើកសម្ពោធន៍មជ្ឈមណ្ឌលបណ្ដុះបណ្ដាលស្ត្រីជនជាតិភាគតិចដំបូងនៅក្នុងស្រុកបានលុង ខេត្តរតនគិរី។