ការអប់រំ

លោកជំទាវទី១ ប្រតិកម្មទៅនឹងថ្ងៃបុណ្យសង្សារថ្ងៃ១៤កុម្ភៈ

25-02-2010 កាសែតរស្មីកម្ពុជា

តាកែវ៖ លោកជំទាវ ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានមានប្រតិកម្មយ៉ាងខ្លាំងចំពោះថ្ងៃទី១៤កុម្ភៈ ថាវាមិនមែនជាថ្ងៃបុណ្យសង្សារសម្រាប់ឲ្យគូសង្សារបបួលគ្នាឡើងសណ្ឋាគារនោះទេ គឺជាថ្ងៃបុណ្យនៃក្ដីស្រឡាញ់។ ថ្ងៃបុណ្យនៃក្ដីស្រឡាញ់បានន័យថា គូស្វាមីភរិយាទិញរបស់របរឲ្យគ្នាទៅវិញទៅមក ឬនៅតាមសាលាកូនសិស្សបង្ហាញនូវក្ដីស្រឡាញ់ដល់លោកគ្រូ អ្នកគ្រូ ឬក៏ជាការបង្ហាញក្ដីស្រឡាញ់ចំពោះឪពុកម្ដាយដែលជាអ្នកមានគុណរបស់យើងជាដើម។

ឧបនាយករដ្ឋមន្ត្រី ស ខេង ផ្ដល់អនុសាសន៍៣ ដល់វិស័យអប់រំ

23-02-2010 កាសែតដើមអំពិល

ភ្នំពេញ៖ ប្រទេសកម្ពុជាមានគ្រឹះស្ថានឧត្ដមសិក្សាចំនួន៧៣គ្រឹះស្ថាន ក្នុងនោះផ្នែកឯកជនមានចំនួន៤៤ និងផ្នែកសាធារណៈមានចំនួន២៩។

លោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស ខេង បានមានប្រសាសន៍ក្នុងពិធីប្រគល់សញ្ញាបត្រថ្នាក់បរិញ្ញាបត្ររង និងប័ណ្ណសរសើរដល់និស្សិតពូកែប្រចាំឆ្នាំ២០០៨-២០០៩ កាលពីថ្ងៃ២២ ខែកុម្ភៈ ឆ្នាំ២០១០នេះថា "បន្ថែមលើគ្រឹះស្ថានឧត្ដមសិក្សាចំនួន៧៣នោះ នៅភូមិភាគពាយ័ព្យនៃប្រទេសមានសាកលវិទ្យាល័យសាធារណៈចំនួន២កន្លែងត្រូវបានស្ថាបនាឡើង គឺនៅខេត្តបាត់ដំបង និងខេត្តបន្ទាយមានជ័យ ហើយនៅភូមិភាគបូព៌ាក៏មានសាកលវិទ្យាល័យចំនួន២ទៀត ដែលមួយគឺ នៅខេត្តស្វាយរៀង និងមួយទៀតនៅខេត្តព្រៃវែង"។

ថ្ងៃបុណ្យនៃក្ដីស្រឡាញ់ឆ្នាំនេះ នៅក្រុងបាត់ដំបងស្ងាត់ជ្រងំ

16-02-2010 កាសែតរស្មីកម្ពុជា

បាត់ដំបង៖ ថ្ងៃបុណ្យនៃក្ដីស្រឡាញ់ឆ្នាំនេះត្រូវនឹងថ្ងៃទី១៤ខែកុម្ភៈឆ្នាំ២០១០ ហើយក៏ជាថ្ងៃបុណ្យចូលឆ្នាំចិនទី១ គេសង្កេតឃើញនៅតាមដងផ្លូវនានាមានសភាពស្ងាត់ជ្រងំ ហើយកន្លែងលក់ផ្កាក៏មានចំនួនតិចតួច បើប្រៀបធៀបនឹងឆ្នាំទៅមានការថយចុះយ៉ាងច្រើនដែលមិនគួរឲ្យជឿទាល់តែសោះ។

ចុះធ្វើការអប់រំយុវវ័យអំពីថ្ងៃបុណ្យនៃក្ដីស្រឡាញ់ដើម្បីកុំឲ្យយុវវ័យយល់ខុសអំពីបុណ្យនេះ

15-02-2010 កាសែតរស្មីកម្ពុជា

ភ្នំពេញ៖ ដើម្បីអប់រំ ក៏ដូចជាបង្ហាញយុវវ័យកម្ពុជាឲ្យយល់ច្បាស់ពីអត្ថន័យនៃបុណ្យនៃក្ដីស្រឡាញ់ អង្គការម៉ារីស្ដុបកម្ពុជា នឹងចុះធ្វើការអប់រំយុវវ័យតាមដងផ្លូវ ក៏ដូចជាការសាកសួរសំណួរនានា ដើម្បីផ្ដល់រង្វាន់ដល់យុវវ័យដែលឆ្លើយត្រូវ។

សង្គមទាំងមូលបន្តព្រួយបារម្ភ ចំពោះទិវានៃក្ដីស្រឡាញ់

15-02-2010 Phnom Penh Post

បើទោះបីជាមានការអប់រំតាមរយៈមធ្យោបាយផ្សេងៗ ប៉ុន្តែយុវវ័យខ្មែរនៅតែហៅពិធីបុណ្យថ្ងៃទី១៤កុម្ភៈថា ជាពិធីបុណ្យសង្សារ។ ផ្កាកុលាបចម្រុះពណ៌ត្រូវបានដាក់តាំងលក់នៅតាមដងវិថីនានា នៅក្នុងរាជធានីភ្នំពេញ និងនៅតាមទីប្រជុំជននានា កាលពីថ្ងៃម្សិលមិញហើយអតិថិជន ភាគច្រើនដោយយុវវ័យ។ ការប្រារព្ធពិធីបុណ្យនៃសេចក្ដីស្រឡាញ់ដែលយុវជនតែងតែហៅថាបុណ្យសង្សារនោះមានមតិផ្សេងៗគ្នាលើកឡើង។