វិបផតថលស្ត្រី អាចដំណើរការបានអាស្រ័យដោយការចូលរួមចំណែក ពីស្ថាប័ន អង្គការនានា និងពីសំណាក់លោកអ្នក តាមរយៈការផ្ដល់ជាមតិយោបល់ ជាព័ត៌មាន ចូលរួមក្នុងការពិភាក្សា និងផ្ដល់ជាជំនួយផ្នែកហិរញ្ញវត្ថុ។
អង្គការវិទ្យាស្ថានបើកទូលាយ សូមថ្លែងអំណរគុណយ៉ាងជ្រាលជ្រៅ ចំពោះរាល់ការចូលរួមវិភាគទានរបស់លោកអ្នក ក្នុងការធ្វើអោយ វិបផតថលនេះមានដំណើរការជាប់ជានិច្ច និងឆ្លើយតបទៅនឹងតម្រូវការប្រើប្រាស់វិបផតថលនេះ ជាប្រយោជន៍ ក្នុងការលើកស្ទួយការចូលរួមចំណែក ដោយស្មើគ្នារវាងស្ត្រីនិងបុរស ក្នុងការអភិវឌ្ឍន៍សង្គមកម្ពុជា។
ក្រុមការងាររបស់យើងខ្ញុំ សូមលើកទឹកចិត្តលោកអ្នក អោយចូលរួមវិភាគទាន ជាមួយកម្មវិធីស្ត្រីតាមលទ្ធភាពដែលអាចធ្វើបានដូចខាងក្រោម៖
- ចែករំលែកចំណេះដឹងរបស់លោកអ្នក
ចំណេះដឹងជាប្រភពធនធានដ៏សំខាន់ ក្នុងការអភិវឌ្ឍន៍ប្រទេស។ លោកអ្នកអាចចែករំលែកចំណេះដឹងរបស់លោកអ្នក តាមរយៈការចូលរួមពិភាក្សា លើប្រធានបទផ្សេងៗ ស្ដីអំពីស្ត្រី ដោយប្រើប្រាស់នូវរាល់មធ្យោបាយទំនាក់ទំនង ដែលផ្ដល់ដោយវិបផតថលស្ត្រី ដូចជា៖ កំណត់ហេតុបណ្ដាញ វេទិកាលើបណ្ដាញ និងបញ្ជីសំបុត្ររួមជាដើម។
- ផ្ដល់ជាជំនួយថវិកា ហិរញ្ញវត្ថុ
វិបផតថលនេះអាចដំណើរការទៅបាន អាស្រ័យដោយការគាំទ្រផ្នែកហិរញ្ញវត្ថុ ពី Open Society Institute - OSI - និង Spanish International Cooperation Agency - AECI។ ប្រសិនបើលោកអ្នក មានបំណងចង់ ចូលរួមវិភាគទានផ្នែកហិរញ្ញវត្ថុ មកកាន់កម្មវិធីស្ត្រី សូមទំនាក់ទំនងមកកាន់ក្រុមការងារយើងខ្ញុំតាមរយៈអាសយដ្ឋានសារអេឡិចត្រូនិក women[@]open.org.kh
- ធ្វើការស្ម័គ្រចិត្តជាមួយកម្មវិធីស្ត្រី
លោកអ្នកក៏អាចចូលរួមផងដែរ ជាធនធានមនុស្ស ក្នុងការបំពេញកិច្ចការផ្សេងៗ ជាមួយកម្មវិធីស្ត្រី ដោយផ្ដល់នូវចំណេះដឹងអំពីស្ថានភាពស្ត្រី និងបទពិសោធន៍ការងារជាមួយស្ត្រី។ សូមទំនាក់ទំនងជាមួយក្រុមការងាររបស់យើងខ្ញុំ ដើម្បីទទួលបាននូវព័ត៌មានលំអិត អំពីការធ្វើការស្ម័គ្រចិត្តជាមួយកម្មវិធីស្ត្រី ដោយផ្ញើសារអេឡិចត្រូនិក មកកាន់អាសយដ្ឋាន women[@]open.org.kh
ប្រសិនបើលោកអ្នកមានជាគំនិតផ្សេងៗ ក្នុងការចូលរួមវិភាគទាន ដល់កម្មវិធីស្ត្រី ក្រុមការងាររបស់យើងខ្ញុំ សូមស្វាគមន៍រាល់មតិយោបល់ទាំងនោះដោយក្ដីសោមនស្សរីករាយ។
