សុខភាពរបស់យើង យើងត្រូវថែទាំដោយខ្លួនឯង។ វិធីខាងក្រោមនេះ គឺជាមធ្យោបាយឆ្ពោះទៅកាន់ការមានសុខភាពល្អ ហើយមធ្យោបាយទាំងនោះ ក៏មិនបាច់ចំណាយប្រាក់ច្រើនដែរ បើមិនសាកល្បងមិនដឹងឡើយ។
១-ផឹកទឹកផ្លែប៉ោមប្រភេទមានកាកសរសៃ
តាមធម្មតាទឹកផ្លែប៉ោមមានប្រយោជន៍ច្រើនស្រាប់ ប៉ុន្តែទឹកប៉ោមប្រភេទកាកសរសៃមានប្រយោជន៍ច្រើនទ្វេដងឯណោះ ពីព្រោះវីតាមីនមួយចំនួននឹងរលាយពេលយើងច្របាច់ទឹកប៉ោមចេញពីសាច់។ ដូច្នេះបើយើងទទួលទានសាច់វាជាមួយផងនោះ យើងនឹងបានប្រយោជន៍ទ្វេគុណតែម្ដង។
២-មិនត្រូវប្រើទឹកថ្នាំជូតកញ្ចក់នៅកន្លែងហប់
ពេលប្រើទឹកថ្នាំជូតកញ្ចក់ ទឹកថ្នាំសម្អាតគ្រឿងសង្ហារិម ឬ ស្ប្រ៉ៃបាញ់បន្ទប់ ត្រូវបើកបង្អួចឲ្យខ្យល់ចេញចូល។ បើមិនដូច្នេះទេ សារធាតុគីមីដែលនៅក្នុងទឹកនោះនឹងធ្វើឲ្យអ្នក និងមនុស្សក្នុងផ្ទះកើតជំងឺហឺតស្ទើរគ្រប់គ្នា។