អត្ថបទចាស់ៗ

គណៈប្រតិភូសភាសហភាពអឺរ៉ុបមកស្វែងយល់ ពីបញ្ហាប្រយុទ្ធប្រឆាំងទេសចរណ៍ផ្លូវភេទនៅកម្ពុជា

25-07-2008 កាសែតកម្ពុជាថ្មី

គណៈប្រតិភូសភាសហភាពអឺរ៉ុប និងលោកស្រី ម៉ម សុមាលី ពិភាក្សាលើបញ្ហាប្រឆាំងទេសចរណ៍ផ្លូវភេទភ្នំពេញ៖ ដើម្បីបង្កើនការស្វែងយល់ពីបញ្ហារួមក្នុងទិសដៅរួមចំណែកប្រយុទ្ធប្រឆាំងទេសចរណ៍ផ្លូវភេទ នៅក្នុងប្រទេសកម្ពុជាឲ្យមានប្រសិទ្ធភាពខ្ពស់នោះគណៈប្រតិភូសភាសហភាពអឺរ៉ុបដែលដឹកនាំដោយលោក Jules Maaten និងលោកស្រី Swale Ludford បានធ្វើដំណើរមកដល់ប្រទេសកម្ពុជាហើយ។
កាលពីរសៀលថ្ងៃទី២៣ ខែកក្កដា ឆ្នាំ២០០៨ កន្លងមកនេះ គណៈប្រតិភូសភាសហភាពអឺរ៉ុបបានធ្វើការពិភាក្សាស្វែងយល់ពីបញ្ហាមួយចំនួនជុំវិញការប្រយុទ្ធប្រឆាំងទេសចរណ៍ផ្លូវភេទ នៅកម្ពុជាជាមួយមន្ត្រីជាន់ខ្ពស់នៃអង្គការ AFESIP ប្រចាំក្រុងភ្នំពេញដោយមានការចូលរួមពីបណ្ដាអ្នកសារព័ត៌មានជាតិ និងអន្តរជាតិមួយចំនួនផងដែរ។

ការទាមទារសិទ្ធិទៅបោះឆ្នោតរបស់ស្ត្រី ចាប់ផ្ដើមពីពេលណា?

25-07-2008 ទស្សនាវដ្ដីសម្លេងស្ត្រីខ្មែរ

ជាង៧០ឆ្នាំហើយ គឺនៅថ្ងៃទី៦ កុម្ភៈ ១៩១៨ រដ្ឋសភានៃប្រទេសអង់គ្លេសបានអនុម័តច្បាប់មួយដ៏សំខាន់ គឺច្បាប់ស្ដីពីការផ្ដល់សិទ្ធិជាលើកទីមួយដល់ស្ត្រីក្នុងប្រទេសអង់គ្លេសក្នុងការបោះឆ្នោត។

មិនមែនតែនៅប្រទេសអង់គ្លេសទេ នៅក្នុងប្រទេសជាច្រើនទៀត ការតស៊ូរបស់ស្ត្រី ដើម្បីទាមទារសិទ្ធិបោះឆ្នោតមានរយៈ ពេលយូរ និងតឹងតែង។ ស្ត្រីដែលបានធ្វើការតស៊ូដើម្បីទាមទារសិទ្ធិនេះ គេប្រសិទ្ធិនាមថា "Suffragettes"។

រដ្ឋវីយ៉ូមិង (Wyoming) ភាគខាងលិចនៃសហរដ្ឋអាមេរិក គឺជារដ្ឋទី១ ដែលបានទទួលស្គាល់ និងយល់ព្រមផ្ដល់សិទ្ធិបោះឆ្នោតជូនស្ត្រីជនជាតិខ្លួននៅឆ្នាំ ១៨៦៩។

ការសម្រេចបន្ថែមប្រាក់បំណាច់ពីរម៉ឺនរៀល ដល់មន្ត្រីរាជការទូទាំងប្រទេស មិនអាចគ្រប់គ្រាន់នឹងការទប់ទល់អតិផរណាលើទីផ្សារទេ

25-07-2008 The Mekong Times

ឆ្លើយតបជាមួយនិងគោលការណ៍របស់រដ្ឋាភិបាលខ្មែរក្នុងការសម្រេចបន្ថែមប្រាក់បំណាច់ពីរម៉ឺនរៀលទៅលើប្រាក់បៀវត្សរ៍របស់មន្ត្រីរាជការ ប៉ូលិស ទាហាននៅទូទាំងប្រទេសដោយគិតចាប់ពីខែកក្កដានេះ រហូតដល់ខែធ្នូ មន្ត្រីដែលកំពុងបម្រើការងារនៅតាមក្រសួង និងមន្ទីរផ្សេងៗបានស្វាគមន៍ចំពោះការសម្រេចបន្ថែមនេះ។ ប៉ុន្តែមន្ត្រីទាំងនោះបានលើកឡើងថា រដ្ឋាភិបាលមិនចាំបាច់ធ្វើការបន្ថែមប្រាក់បំណាច់មកដល់មន្ត្រីរាជការសម្រាប់ពេលនេះទេ ប៉ុន្តែសំខាន់បំផុតរដ្ឋាភិបាលគួរតែធ្វើយ៉ាងណាទប់ស្កាត់ចំពោះតម្លៃទំនិញដែលចេះតែឡើងថ្លៃនៅក្នុងពេលបច្ចុប្បន្ននេះប្រសើរជាង។

លោកស្រី ទឹម ដាឡាត់ មន្ត្រីមន្ទីរអប់រំយុវជន និងកីឡារាជធានីភ្នំពេញ បានឲ្យដឹងកាលពីថ្ងៃទី២៣កក្កដាថា៖ "ចំពោះខ្ញុំដែលជាមន្ត្រីរាជការមួយរូបមានការត្រេកអរណាស់ដែលរដ្ឋាភិបាលមានគោលការណ៍សម្រេចឧបត្ថម្ភបន្ថែមលើប្រាក់បៀវត្សរ៍ដល់មន្ត្រីរាជការ។

បញ្ហាព្រះវិហារនិងការត្រៀមស្មារតីសម្រាប់ការបោះឆ្នោតខាងមុខ

25-07-2008 អង្គការវិទ្យាស្ថានបើកទូលាយ

នៅសល់តែពីរថ្ងៃទៀតទេដល់ពេលបោះឆ្នោតសភាអាណតិ្តទី៤ ដែលនឹងប្រព្រឹត្តិទៅនៅថ្ងៃទី២៧ កក្កដាខាងមុខនេះ។ ជាមួយនិងការត្រៀមស្មារតី ទាំងប្រជាពលរដ្ឋ គណបក្សនយោបាយ និងគណៈកម្មាធិការជាតិរៀបចំការបោះឆ្នោត(គជប) សម្រាប់ការបោះឆ្នោតនោះ គេឃើញមានហេតុការប្រាសាទព្រះវិហារ បានធ្វើឲ្យសាធារណៈជនជាតិនិងអន្តរជាតិបង្វែរការយកចិត្តទុកដាក់របស់ខ្លួន។

កាលពីថ្ងៃទី ៨ ខែកក្កដា សម័យប្រជុំលើកទី ៣២ នៃគណៈកម្មាធិការបេតិកភណ្ឌពិភពលោកបានអនុម័តជាឯកច្ឆន្ទ ចុះបញ្ជីប្រាសាទព្រះវិហារ ជាបេតិកភណ្ឌពិភពលោក។ បញ្ហានេះបានធ្វើឲ្យមានភាពចម្រូងចម្រាសនយោបាយដែលមានស្រាប់ហើយ ក្នុងរដ្ឋាភិបាលថៃជាមួយគណបក្សប្រឆាំងនៃប្រទេសនេះ កាន់តែធ្ងន់ធ្ងរថែមទៀត ។ មួយសប្ដាហ៍ក្រោយមកក៏មានការពង្រាយកម្លាំងយោធានៃប្រទេសទាំងពីរកម្ពុជា-ថៃ។ ការពង្រាយកម្លាំងយោធាកាន់តែកើនឡើង ទន្ទឹមនិងមានចរចាដោយមិនបានសម្រេចវាងភាគីទាំងពីរកម្ពុជា-ថៃកាលពីថ្ងៃច័ន្ទទី ២១ កក្កដា កន្លងមក។ ភាគីថៃ ព្រមទាំងមិនយល់ព្រមទទួលយកការសម្របសម្រួលដែលប្រទេសអាស៊ានស្ម័គ្រចិត្តធ្វើដើម្បីជួយដោះស្រាយវិបត្តិព្រំដែននេះ។ ការបដិសេធរបស់ថៃ បានធ្វើឲ្យសមាគមប្រជាជាតិអាស៊ានស្ថិតក្នុងភាពអសកម្មលើបញ្ហាព្រះវិហារ។ ក្រោយពីកិច្ចចរចាមិនបានសម្រេច សម្ដេចនាយករដ្ឋមន្ត្រី ហ៊ុនសែន កាលពីថ្ងៃទី២១ ក៏បានសរសេរលិខិតទៅលោកអគ្គនាយកអង្គការ UNESCO ដើម្បីស្វែងរកអន្តរាគមន៍ពីស្ថាប័ននេះ។

ការផ្អាកមិនឲ្យលក់ដូរ និងពិសាគ្រឿងស្រវឹងមួយថ្ងៃមុនការបោះឆ្នោត

25-07-2008 The Mekong Times

អាជ្ញាធរក្រុងរួមនឹងអាជ្ញាធរខេត្តនានាបានប្ដេជ្ញាអនុវត្តន៍តាមសេចក្ដីណែនាំរបស់រាជរដ្ឋាភិបាលស្ដីពីការផ្អាកមិនឲ្យលក់ដូរ និងពិសាគ្រឿងស្រវឹងមួយថ្ងៃមុនថ្ងៃបោះឆ្នោត និងថ្ងៃបោះឆ្នោតជ្រើសរើសតំណាងរាស្ត្រនីតិកាលទី៤ នៃរដ្ឋសភា ដោយបានដាក់បទបញ្ជា និងសេចក្ដីជូនដំណឹងទៅម្ចាស់ហាងលក់ទំនិញទាំងអស់មិនឲ្យលក់គ្រឿងស្រវឹងនៅមុនថ្ងៃបោះឆ្នោត និងថ្ងៃបោះឆ្នោតឡើយ បើមិនគោរពតាមការជូនដំណឹងនេះទេ អាជ្ញាធរនឹងមានវិធានការពិន័យ។

លោក ម៉ាន់ ឈឿន អភិបាលរងក្រុងភ្នំពេញមានប្រសាសន៍ថា៖ "ទាក់ទងសេចក្ដីណែនាំរបស់រាជរដ្ឋាភិបាលស្ដីពីការផ្អាកមិនឲ្យលក់ដូរ និងពិសាគ្រឿងស្រវឹងមួយថ្ងៃមុនថ្ងៃបោះឆ្នោត និងថ្ងៃបោះឆ្នោតនាថ្ងៃទី២៦-២៧ នេះ យើងបានត្រៀមខ្លួនរួចអស់ហើយដែលជាវិធានការដ៏ល្អប្រពៃណាស់ ព្រោះប្រជាពលរដ្ឋយើងសុទ្ធតែជាអ្នកកាន់ព្រះពុទ្ធសាសនា យើងមិនចង់ឲ្យស្រាមកធ្វើត្រីមុខនោះឡើយ។

ដើម្បីធ្វើការសម្រេចចិត្តអោយបានត្រឹមត្រូវ

25-07-2008 ទស្សនាវដ្ដីសម្លេងស្ត្រីខ្មែរ

ថ្ងៃទី២៧ ខែកក្កដា ឆ្នាំ២០០៨ខាងមុខនេះ យើងនឹងទៅបោះឆ្នោតទាំងអស់គ្នា ដើម្បីបំពេញសិទ្ធិជាប្រជាពលរដ្ឋក្នុងការជ្រើសរើសគណបក្សនយោបាយ និងតំណាងរាស្ត្រដែលយើងពេញចិត្ត។ ដូច្នេះគឺជាថ្ងៃដែលសំខាន់បំផុត។ តើយើងត្រូវធ្វើអ្វីខ្លះដើម្បីអោយការសម្រេចចិត្តក្នុងការជ្រើសរើសនេះបានត្រឹមត្រូវ?

យើងត្រូវកំណត់ជាដំបូងថា យើងនឹងបោះឆ្នោតអោយគណបក្សណាដែលមានគោលនយោបាយដោះស្រាយសេចក្ដីត្រូវការរបស់ប្រជាពលរដ្ឋ។ ដើម្បីអោយដឹងលក្ខណៈសម្បត្តិនេះ ប្រជាពលរដ្ឋម្នាក់ៗត្រូវស្វះស្វែងយល់ពីគោលនយោបាយរបស់គណបក្សនីមួយៗតាមរយៈការស្ដាប់វិទ្យុ មើលទូរទស្សន៍ អានឯកសារផ្សេងៗមានកាសែត ទស្សនាវដ្ដី ខិត្តប័ណ្ណ ព្រមទាំងផ្ទៀងស្ដាប់រាល់ការឃោសនាផ្ទាល់របស់សកម្មជនគណបក្សក្នុងអំឡុងពេលឃោសនាបោះឆ្នោត។

អត្ថបទ​ចាស់​ៗ