អត្ថបទចាស់ៗ

ការផ្ដល់ការអប់រំដល់កុមារ ជាដំណោះស្រាយសមស្រប ក្នុងការអភិវឌ្ឍន៍ប្រទេសជាតិ

04-06-2008 The Mekong Times

កុមាររុញអីវ៉ាន់នៅតាមព្រំដែន
(រូបថត៖ អង្គការលីកាដូ)«ការថែទាំសុខភាពទារក និងកុមារគឺជាការអភិវឌ្ឍន៍ប្រទេសជាតិ» និង «ការអប់រំជាដំណោះស្រាយមួយសមស្របសម្រាប់កុមារ» គឺជាប្រធានបទពីរ ដែលត្រូវបានលើកឡើងនៅក្នុងពិធីទិវាកុមារអន្តរជាតិ ០១ មិថុនា និងខួបទី៧នៃទិវាពិភពលោកប្រឆាំងពលកម្មកុមារ ថ្ងៃទី ១២ មិថុនាដែលប្រារព្ធឡើងកាលពីព្រឹកថ្ងៃទី ០៣ មិថុនា ម្សិលមិញ នៅសួនច្បារសម្ដេច ហ៊ុន សែន មាត់ទន្លេទីក្រុងភ្នំពេញ ប្រយោជន៍ដើម្បីជំរុញឲ្យប្រជាពលរដ្ឋគ្រប់រូបមានការលើកតម្កើងកុមារឲ្យប្រសើរនៅក្នុងសង្គម។

របាយការណ៍ជួញដូរមនុស្សរបស់អាមេរិកឆ្នាំ២០០៨ នឹងប្រកាសឲ្យដឹងថ្ងៃនេះ

04-06-2008 កាសែតកោះសន្តិភាព

រាជធានីភ្នំពេញ៖ ការចេញផ្សាយរបាយការណ៍ស្ដីពីការជួញដូរមនុស្សឆ្នាំ២០០៨របស់ក្រសួងការបរទេសអាមេរិកថ្ងៃទី៣ មិថុនា បានឲ្យដឹងថា នៅថ្ងៃនេះ (៤ ខែមិថុនា) វេលាម៉ោង១០ព្រឹក ម៉ោងនៅឆ្នេរខាងកើតសហរដ្ឋអាមេរិក (ត្រូវនឹងម៉ោង៩យប់នៅប្រទេសកម្ពុជា) លោកស្រីរដ្ឋមន្ត្រីក្រសួងការបរទេសសហរដ្ឋអាមេរិក ខុនដូលីហ្សរ៉ែ នឹងប្រកាសចេញផ្សាយរបាយការណ៍ស្ដីពីការជួញដូរមនុស្សឆ្នាំ២០០៨ ក្នុងពិធីជាសាធារណៈមួយនៅឯក្រសួងការបរទេសសហរដ្ឋអាមេរិក ទីក្រុងវ៉ាស៊ីនតោនឌីស៊ី។ របាយការណ៍ទាំងមូលស្ដីពីការជួញដូរមនុស្សនឹងមានផ្សព្វផ្សាយតាមគេហទំព័រ www.state.gov/g/tip បន្ទាប់ពីរបាយការណ៍នេះត្រូវបានប្រកាសចេញផ្សាយបន្តិចដោយលោកស្រីរដ្ឋមន្ត្រីការបរទេសនៅថ្ងៃទី៤ ខែមិថុនា ហើយសេចក្ដីបកប្រែជាភាសាខ្មែរដែលនិយាយពីប្រទេសកម្ពុជានឹងមានចេញផ្សាយនៅថ្ងៃបន្ទាប់តាមរយៈគេហទំព័រ khmer.cambodia.usembassy.gov ។

សិស្សពូកែកម្ពុជាមួយរូបទទួលបានមេដាយសំរឹទ្ធ ពីការប្រឡងគណិតវិទ្យាអូឡាំព្យាដអាស៊ីប៉ាស៊ីហ្វិក លើកទី២០

04-06-2008 កាសែតរស្មីកម្ពុជា

ភ្នំពេញ ៖ សិស្សវិទ្យាល័យស៊ីសុវត្ថិរាជធានីភ្នំពេញមួយរូបឈ្មោះ សែ ដារា បានទទួលមេដាយសំរឹទ្ធមួយពីការប្រឡងគណិតវិទ្យាអូឡាំព្យាដក្នុងតំបន់អាស៊ីប៉ាស៊ីហ្វិកលើកទី២០។

លោក ម៉ែន ចាន់សុខា តាងនាមឲ្យក្រសួងអប់រំយុវជន និងកីឡា បានមានប្រសាសន៍ឲ្យដឹងថា នេះជាលើកទី១ដែលកម្ពុជាយើងបានចូលរួមក្នុងការប្រឡងនេះ។ ការប្រឡងនេះកម្ពុជាបានរៀបចំធ្វើដោយខ្លួនឯងនៅក្នុងប្រទេស។ លោកបន្តថា ប្រទេសនីមួយៗត្រូវទទួលខុសត្រូវលើការចំណាយ និងរៀបចំប្រឡងគណិតវិទ្យាអូឡាំព្យាដនេះ ហើយវិញ្ញាសាប្រឡងប្រធានគណៈកម្មការរៀបចំការប្រឡងអូឡាំព្យាដអាស៊ីប៉ាស៊ីហ្វិក (Asian Pacific Mathematic Olympiad) បានផ្ញើជាសម្ងាត់ឲ្យប្រទេសនីមួយៗ។

គ.ជ.ប អនុញ្ញាតឲ្យបេក្ខជន តំណាងរាស្ត្ររួមនឹងក្រុមគ្រួសារខ្លួន អាចផ្លាស់ប្ដូរទៅបោះឆ្នោតនៅមណ្ឌលដែលខ្លួនឈរឈ្មោះ

04-06-2008 The Mekong Times

គណៈកម្មាធិការជាតិរៀបចំការបោះឆ្នោត បានចេញសេចក្ដីជូនដំណឹងមួយកាលពីថ្ងៃទី១ មិថុនាកន្លងទៅនេះដើម្បីរម្លឹកដល់គ្រប់គណបក្សនយោបាយ និងបេក្ខជនឈរឈ្មោះបោះឆ្នោត ដែលបានចុះបញ្ជីបេក្ខជនឈរឈ្មោះផ្លូវការរួចហើយមានបំណងចង់ទៅបោះឆ្នោតនៅមណ្ឌលដែលខ្លួនឈរឈ្មោះបោះឆ្នោតចង់ផ្ទេរឈ្មោះបេក្ខជនសហព័ទ្ធ«ប្ដី ឬប្រពន្ធ និងកូន» ត្រូវដាក់ពាក្យមកគ.ជ.ប មិនឲ្យហួសថ្ងៃទី២៥ មិថុនា ឆ្នាំ២០០៨ ពោលគឺមុនមួយថ្ងៃមុនយុទ្ធនាការឃោសនាបោះឆ្នោតសភាអាណត្តិទី៤ ចាប់ផ្ដើម។

អនុលោមតាមច្បាប់នៃការបោះឆ្នោតជ្រើសតាំងតំណាងរាស្ត្រ និងច្បាប់ស្ដីពីវិសោធនកម្មនៃច្បាប់នេះ ព្រមទាំងបទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៤ បានអនុញ្ញាតឲ្យបេក្ខជនដែលមានឈ្មោះនៅក្នុងបញ្ជីបោះឆ្នោតនៅកន្លែងផ្សេងអាចមានសិទ្ធិផ្ទេរឈ្មោះទៅបោះឆ្នោតនៅមណ្ឌលដែលបេក្ខជនឈរឈ្មោះ។

ការប្រកាន់យករបបបិតាធិបតេយ្យធ្វើឲ្យមាន វិសមភាពយេនឌ័រក្នុងសង្គម

04-06-2008 កាសែតរស្មីកម្ពុជា

ភ្នំពេញ ៖ ពាក្យយេនឌ័រនៅតែថ្មីសម្រាប់ប្រជាជនគ្រប់រូប និងបណ្ដាប្រទេសលើពិភពលោក។ ពាក្យនេះត្រូវបានគេឲ្យនិយមន័យខុសៗគ្នា និងតែងប្រែប្រួលតាមសម័យកាល។ ប៉ុន្តែពាក្យយេនឌ័រ ត្រូវគេឲ្យនិយមន័យមួយយ៉ាងច្បាស់លាស់។

ឆ្លើយតបបញ្ហានេះ អង្គការអែកសិនអេដ បានអញ្ជើញលោកស្រី កាមឡា បាស៊ីន (KAMLA BHASIN) ដែលមានកិត្តិសព្ទល្បីល្បាញផ្នែកហ្វឹកហ្វឺនយេនឌ័រ មកពីប្រទេសឥណ្ឌា ធ្វើការបណ្ដុះបណ្ដាលដល់អ្នកសារព័ត៌មានកម្ពុជាជាង១០រូប ដែលពួកគេមកពីកាសែត វិទ្យុ និងទូរទស្សន៍នៅរាជធានីភ្នំពេញ កាលពីចុងសប្ដាហ៍កន្លងមកនេះ។

ជីវិតពិតរបស់ខ្ញុំ!

04-06-2008 កាសែតរស្មីកម្ពុជា

កំពង់ឆ្នាំង៖ ក្មួយស្រី ហ៊ាន ស្រីម៉ា ជាសិស្សរៀននៅថ្នាក់ទី៦ (ក) នៃសាលាបឋមសិក្សាគំរូក្រុងខេត្តកំពង់ឆ្នាំង។ ក្មួយស្រីកើតនៅថ្ងៃទី៦ ខែសីហា ១៩៩៥ មានបងប្អូនបង្កើតទាំងអស់៤នាក់ហើយពួកគេ គឺជាក្មេងកំព្រាឪពុកម្ដាយស្លាប់ដោយសារជំងឺអេដស៍។ សព្វថ្ងៃពួកគេរស់នៅលើខ្ទមក៏តូចមួយ ស្ថិតនៅក្នុងភូមិកណ្ដាល ឃុំកំពង់ឆ្នាំង ស្រុកកំពង់ឆ្នាំង ដោយមានការមើលថែពីជីដូនចាស់។

នៅក្នុងឱកាសប្រារព្ធពិធីអបអរទិវាកុមារអន្តរជាតិ១មិថុនា ក្មួយស្រី ហ៊ាន ស្រីម៉ា បានរៀបរាប់ពីជីវិតពិតរបស់ក្មួយដែលរស់នៅក្នុងនាមជាក្មេងកំព្រាក្រីក្រ ដែលតស៊ូដើម្បីរស់ផង និងដើម្បីរៀនសូត្រផង យ៉ាងលំបាកលំបិនគួរឲ្យអាសូរបំផុត។

បើកមុងចូលរំលោភក្មេងស្រីអាយុ១៤ឆ្នាំ ពេលឪពុកម្ដាយមិននៅ ត្រូវប៉ូលិសចាប់បញ្ជូនទៅតុលាការ

04-06-2008 កាសែតរស្មីកម្ពុជា

គាស់ក្រឡ-បាត់ដំបង៖ ក្មេងស្ទាវម្នាក់ត្រូវប៉ូលិសឃាត់ខ្លួនតាមពាក្យបណ្ដឹងរបស់ឪពុកម្ដាយជនរងគ្រោះ ដោយចោទពីបទចាប់រំលោភក្មេងស្រីអនីតិជន ពេលឪពុកម្ដាយមិននៅផ្ទះហើយបានកសាងសំណុំរឿងបញ្ជូនទៅសាលាដំបូងខេត្តនៅព្រឹកថ្ងៃទី២ ខែមិថុនា ឆ្នាំ២០០៨។ ហេតុការណ៍ចាប់រំលោភនោះកើតឡើងកាលពីម៉ោង១១និង៥០នាទីរំលងអធ្រាត្រឈានចូលថ្ងៃទី២៩ ខែឧសភា ឆ្នាំ២០០៨ នៅចំណុចក្រុម៤ ភូមិឫស្សីព្រះ ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង។

អត្ថបទ​ចាស់​ៗ