អត្ថបទចាស់ៗ

អង្គការអភិរក្ស និងអភិវឌ្ឍន៍កម្ពុជា
Conservation and Development on Cambodia (CDCam)

26-05-2008 អង្គការអភិរក្ស និងអភិវឌ្ឍន៍កម្ពុជា

ប្រវត្តិ ស៊ី ឌី ខេម

អង្គការអភិរក្ស និងអភិវឌ្ឍន៍ កម្ពុជា (ស៊ី ឌី ខេម) ជាអង្គការមិនមែនរដ្ឋាភិបាលក្នុងស្រុកមួយដែលបង្កើតឡើងតាំងពីឆ្នាំ ២០០២ ដើម្បីបម្រើប្រយោជន៍សាធារណៈ មិនគិតពីប្រយោជន៍ផ្ទាល់ខ្លួន មិនប្រកាន់បក្សពួក និងមិនបម្រើនយោបាយ។ អង្គការបានសហការជាមួយអង្គការមិនមែនរដ្ឋាភិបាលក្នុងស្រុក អង្គការអន្តរជាតិ សមាគម និង សហគមន៍នានា ដែលមិនដើម្បីរកកម្រៃ និងមានតួនាទីធ្វើសកម្មភាពបម្រើអោយសង្គម និងមិនរើសអើងទៅលើជាតិសាសន៍ សាសនា ពណ៌សម្បុរភេទណាមួយឡើយ។

អង្គការនេះបានចុះឈ្មោះជាផ្លូវការ ជាមួយក្រសួងមហាផ្ទៃ នៃព្រះរាជាណាចក្រកម្ពុជា លេខ ១៤៨ សជណ ថ្ងៃទី៨ ខែកញ្ញា ឆ្នាំ២០០៤។

តាំងពិព័រណ៍បច្ចេកវិទ្យាកុំព្យូទ័រឆ្នាំ២០០៨ នៅផ្សារទំនើបសុវណ្ណា

26-05-2008 កាសែតកោះសន្តិភាព

រាជធានីភ្នំពេញ៖ សហគ្រាសម៉ានិចអ៊ីនធើរប្រាយ បានរៀបចំតាំងពិព័រណ៍បច្ចេកវិទ្យាកុំព្យូទ័រ ឆ្នាំ២០០៨លើកទី៣ នៅក្នុងប្រទេសកម្ពុជា កាលពីថ្ងៃទី២៣ ឧសភា នៅផ្សារសុវណ្ណាជាន់ទី៥។

ការតាំងពិព័រណ៍នេះមានក្រុមហ៊ុន និងអង្គការចំនួន២០បានចូលរួម ហើយមានទស្សនិកជនចូលទស្សនាយ៉ាងច្រើនកុះករ។ តាមសេចក្ដីប្រកាសព័ត៌មានរបស់សហគ្រាសដែលបានផ្សព្វផ្សាយនៅក្នុងឱកាសតាំងពិព័រណ៍នេះបានឲ្យដឹងថា បច្ចេកវិទ្យាព័ត៌មានវិទ្យាជាប្រភពនៃចំណេះដឹង។ ទីណាមានបច្ចេកវិទ្យាព័ត៌មាន ទីនោះមានការអភិវឌ្ឍន៍យ៉ាងឆាប់រហ័ស។ ដូចនេះដើម្បីស្វែងយល់បច្ចេកវិទ្យាថ្មីៗ និងដំណោះស្រាយល្អៗចំពោះបច្ចេកវិទ្យាថ្មីៗនេះManich Enterprise បានរៀបចំនូវកម្មវិធីដ៏អស្ចារ្យមួយ គឺកម្មវិធី 3rd Internet Party 2008 ដែលប្រារព្ធធ្វើឡើងនៅមជ្ឈមណ្ឌលសុវណ្ណា នៅថ្ងៃទី២៣ និង២៤ ខែឧសភា ឆ្នាំ២០០៨នេះ។

គ.ជ.ប តម្រូវឲ្យគណបក្សនយោបាយ ផ្ដល់សម្ភារៈឃោសនាដល់ខ្លួន

26-05-2008 The Mekong Times

គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្ដីជូនដំណឹងមួយ ដោយបានអំពាវនាវឲ្យគណបក្សដែលបានចុះបញ្ជីគណបក្សនយោបាយឈរឈ្មោះបោះឆ្នោតត្រៀមរៀបចំផលិតនូវសម្ភារៈឃោសនារបស់គណបក្សនយោបាយរបស់ខ្លួនដើម្បីផ្ដល់មកឲ្យ គ.ជ.ប ធ្វើការផ្សព្វផ្សាយជាសាធារណៈក្នុងអំឡុងពេលនៃការឃោសនាបោះឆ្នោត។ យុទ្ធនាការឃោសនាបោះឆ្នោតដែលនឹងប្រព្រឹត្តទៅចាប់ពីថ្ងៃទី ២៦ មិថុនា ដល់ថ្ងៃទី ២៥ ខែកក្កដា ខាងមុខ។

សម្ភារៈឃោសនាដែលនឹងផ្ដល់ជូនមក គ.ជ.ប ត្រូវបានលោក ទេព នីថា អគ្គលេខាធិការ គ.ជ.បឲ្យដឹងថា គណបក្សនយោបាយត្រូវផ្ដល់ឲ្យ គ.ប.ជ នូវស្បតវីដេអូ ឬខ្សែអាត់សំឡេង ស្ដីពីសកម្មភាពគណបក្ស ឬគោលនយោបាយគណបក្សមានរយៈពេល ១០នាទី សម្រាប់វិទ្យុ និងទូរទស្សន៍ ស្បតទាំងនេះត្រូវផ្ដល់ឲ្យ គ.ជ.ប យ៉ាងយូរ១០ថ្ងៃមុនថ្ងៃចាប់ផ្ដើមយុទ្ធនាការឃោសនាបោះឆ្នោត។

ស្វាវត្តភ្នំ វាយប្រហារស្ត្រីម្នាក់កំពុងហាត់ប្រាណរបួសដំណំ

26-05-2008 កាសែតរស្មីកម្ពុជា

មានស្វាខ្លះហិតកាវដូចមនុស្សដែរ!

ភ្នំពេញ៖ ស្ត្រីអាយុ៦០ឆ្នាំមួយរូបបានត្រូវស្វាពីរក្បាលក្នុងចំណោមស្វាដែលរស់នៅវត្តភ្នំ វាយប្រហារបណ្ដាលឲ្យរងរបួសដៃជើង និងក្បាលយ៉ាងដំណំពេលដែលគាត់កំពុងដើរហាត់ប្រាណម្នាក់ឯងពេលព្រឹកព្រលឹម នៅមុខអតីតទីបញ្ជាការប៉េអឹមក្រុងភ្នំពេញ។

កាលពីវេលាម៉ោង៦ព្រឹក ថ្ងៃទី២២ ឧសភា ឆ្នាំ២០០៨ ត្រង់ចំណុចផ្លូវលេខ១០៦ ខាងមុខអតីតទីបញ្ជាការដ្ឋានប៉េអឹមក្រុងភ្នំពេញ ក្នុងសង្កាត់វត្តភ្នំខណ្ឌដូនពេញ ក្រុងភ្នំពេញ ស្ត្រីវ័យចំណាស់ម្នាក់អាយុ៦០ឆ្នាំ ឈ្មោះ ឯម សំអាត មានទីលំនៅផ្ទះលេខ ៤០Eo ផ្លូវលេខ៦១ សង្កាត់វត្តភ្នំ ខណ្ឌដូនពេញបានត្រូវសត្វស្វាវាយប្រហារ។

ស្ត្រីតំណាងគណបក្ស៣ ចូលរួមបង្ហាញពីតួនាទីស្ត្រីខ្មែរក្នុងសង្គម និងភាពដឹកនាំក្នុងវិស័យនយោបាយ

26-05-2008 The Mekong Times

វិទ្យាស្ថានចំនួន៣ គឺវិទ្យាស្ថានខ្មែរលទ្ធិប្រជាធិបតេយ្យ(KID) និងវិទ្យាស្ថានជាតិប្រជាធិបតេយ្យសម្រាប់កិច្ចការអន្តរជាតិ(NDI)បានរៀបចំវេទិកាសាធារណៈស្ដីពីស្ត្រីស្ដាប់មតិប្រជាពលរដ្ឋ កាលពីថ្ងៃទី២២ ឧសភា ម្សិលមិញនេះ។ វេទិកានិយាយពីស្ត្រីស្ដាប់មតិប្រជាពលរដ្ឋបានរៀបចំឡើងដើម្បីលើកកម្ពស់ការចូលរួមរបស់ស្ត្រីក្នុងវិស័យនយោបាយ និងការផ្ដល់ឱកាសដល់ស្ត្រីដែលជាបេក្ខជនឈរឈ្មោះ ឬបេក្ខជនបម្រុងមកពីគណបក្សប្រជាជន គណបក្សហ៊្វុនស៊ីនប៉ិច និងគណបក្សសម រង្ស៊ី មានឱកាសនៅក្នុងការនិយាយ និងស្ដាប់រាល់មតិរបស់ប្រជាពលរដ្ឋដែលជាអ្នកមានអំណាចលើសំឡេងម្ចាស់ឆ្នោត ក្នុងការសម្រេចចិត្តរើសបេក្ខភាពណាមួយធ្វើជាអ្នកដឹកនាំសម្រាប់ការបោះឆ្នោតអាណត្តិក្រោយនេះ។

ការផ្សងដោយគោឧសភរាជបង្ហាញថា កម្ពុជាទទួលបានផលកសិកម្មល្អ

26-05-2008 កាសែតកម្ពុជាថ្មី

គោឧសភរាជកំពុងស៊ីពោត ស្រូវ និងសណ្ដែកភ្នំពេញ៖ បន្ទាប់ពីការភ្ជួរ៣ជុំ នៅទីព្រះស្រែ គោឧសភរាជទាំង២បានជ្រើសរើសយកពោត សណ្ដែក និងស្រូវធ្វើជាអាហារក្នុងចំណោមអាហារចំនួន៧មុខដែលដាក់លើជើងពានកណ្ដាលវាលព្រះមេរុ។

ជាធម្មតាចំណីដែលដាក់សម្រាប់គោឧសភរាជមួយមានគ្រាប់ស្រូវ គ្រាប់សណ្ដែក គ្រាប់ពោត គ្រាប់ល្ង ស្មៅស្រស់ទឹកនិងស្រា ហើយប្រសិនបើគោឧសភរាជស៊ីចំណីណាមួយទំនាយទាយថា ក្នុងឆ្នាំនេះនឹងសំបូរប្លែក ប៉ុន្តែបើកគោឧសភរាជស៊ីស្មៅនឹងកើតជំងឺគោ បើផឹកស្រានឹងកើតមានមនុស្សពាល ចោរលួច ចោរប្លន់ច្រើនមិនខាន។

ខឹងពេកទាញបុ័ងតោបិទភ្នែកកាប់ប្ដី ស្ទើរសុសសាច់បំណងឲ្យស្លាប់ តែចុងក្រោយមកមើលថែប្ដីនៅមន្ទីរពេទ្យ

26-05-2008 កាសែតរស្មីកម្ពុជា

ពោធិ៍សាត់ ៖ បុរសពិការជើងម្ខាងម្នាក់ត្រូវបានប្រពន្ធរបស់គាត់កាប់ចិញ្ច្រាំរាប់សិបកាំបិតបណ្ដាលឲ្យរងរបួសយ៉ាងធ្ងន់ធ្ងរ ដោយសារតែមានជម្លោះនៅក្នុងគ្រួសារមួយ។ ប៉ុន្តែចុងក្រោយប្រពន្ធបានមកមើលថែប្ដី នៅមន្ទីរពេទ្យព្យាបាលរបួស។

ករណីខាងលើនេះ បានកើតមានឡើងកាលពីវេលាម៉ោងប្រមាណជាង៨យប់ថ្ងៃទី២១ ខែឧសភា ឆ្នាំ២០០៨ ស្ថិតនៅនឹងផ្ទះជនរងគ្រោះភូមិអូរកាប៉ោង ឃុំអូរកាប៉ោង ស្រុកបាកាន។ ជនរងគ្រោះជាប្ដីមានឈ្មោះ ភឿង ផល អាយុ៤៦ឆ្នាំពិការជើងឆ្វេងដាច់មួយកំណាត់ក្នុងសម័យសង្គ្រាមទសវត្សរ៍ឆ្នាំ៩០។ ចំណែកប្រពន្ធដែលជាជនដៃដល់មានឈ្មោះ សោម ស៊ីណន អាយុ៣៤ឆ្នាំ រស់នៅជាមួយគ្នាក្នុងភូមិកើតហេតុខាងលើ ហើយមានកូនប្រុសម្នាក់ប៉ុណ្ណោះអាយុជាង៦ឆ្នាំ។ ប្រពន្ធដៃដល់បន្ទាប់ពីកាប់ប្ដីបម្រុងផ្ដាច់ជីវិតនោះ មិនបានរត់គេចទេ ដោយបានជូនប្ដីមកពេទ្យ ហើយមកមើលថែរក្សាកាលពីព្រឹកថ្ងៃទី២២ឧសភានេះ។

អត្ថបទ​ចាស់​ៗ

ប្រវត្តិ ស៊ី ឌី ខេម