វិបផតថលស្តីអំពីស្ត្រី

28-05-2009

កម្មវិធីស្ត្រី ត្រូវបានផ្ដួចផ្ដើមឡើងដោយអង្គការវិទ្យាស្ថានបើកទូលាយនាឆ្នាំ ២០០៦ ។

១. ទស្សនៈវិស័យ

ឆ្ពោះទៅកាន់សង្គមមួយ ដែលអ្នកចូលរួម និងសកម្មជនស្រ្តីនឹងអាចមានឱកាសធ្វើអោយមានការផ្លាស់ប្តូរនៅក្នុងការអភិវឌ្ឍន៍សង្គម តាមរយៈការទទួល និងចូលទៅកាន់ការប្រើប្រាស់ព័ត៌មាន មានភាពជឿជាក់ក្នុងការបញ្ចេញមតិយោបល់ និងមានចំណេះដឹងក្នុងការប្រើប្រាស់បច្ចេកវិទ្យាព័ត៌មាន ដើម្បីបង្កើនសមត្ថភាពការងារ និងចែករំលែកចំណេះដឹងនិងបទពិសោធន៍ទាំងនេះទៅអោយស្រ្តីផ្សេងទៀត។

២ បេសកកម្ម

កម្មវិធីស្ត្រីមានបេសកកម្ម ផ្ដល់ជូននូវព័ត៌មាន និងសម្របសម្រួលការពិភាក្សាអំពីស្ត្រី អំពីការយល់ដឹងពីសិទ្ធិរបស់ស្ត្រី តាមរយៈការប្រើប្រាស់ជាយុទ្ធសាស្ត្រ នូវបច្ចេកវិទ្យា គមនាគមន៍ ព័ត៌មានវិទ្យា។ កម្មវិធីនេះក៏ផ្ដល់ជូនផងដែរ នូវមធ្យោបាយនានា សម្រាប់ប្រើប្រាស់ក្នុងការទំនាក់ទំនង និងវគ្គបណ្ដុះបណ្ដាល ដើម្បីគាំទ្រកិច្ចប្រឹងប្រែងរបស់អង្គការនិងបណ្ដាញស្ត្រី ដើម្បីអង្គការនិងបណ្ដាញស្ត្រីទាំងនោះមានសមត្ថភាពជួយទៅកាន់ស្ត្រីឯទៀត តាមរយៈបច្ចេកវិទ្យា គមនាគមន៍ ព័ត៌មានវិទ្យា។

៣ គោលបំណង

កម្មវិធីនេះមានគោលបំណងលើកកម្ពស់ការចូលរួមដោយសមភាពរវាងស្ត្រីនិងបុរស ក្នុងការអភិវឌ្ឍន៍សង្គម ដែលនៅក្នុងនោះស្ត្រីអាចអនុវត្តសិទ្ធិរបស់ខ្លួន ដោយមានតុល្យភាព និងអាចកសាង សមត្ថភាពដើម្បីក្លាយជាអ្នកមានភាពម្ចាស់ការ និងបង្កើនការចូលរួមរបស់ស្ត្រី ក្នុងសកម្មភាពសង្គម សេដ្ឋកិច្ច និងគោលនយោបាយ តាមរយៈ ៖

ការធានាអោយមាននូវរាល់ព័ត៌មានចាំបាច់ជាភាសាខ្មែរ សម្របសម្រួលនិងជំរុញការប្រាស្រ័យទាក់ទងរវាងសកម្មជនយេនឌ័រ
ការបង្កើតការយល់ដឹងអំពីរបៀបប្រើ បច្ចេកវិទ្យាព័ត៌មាន ដើម្បីសមភាពយេនឌ័រ
ការធានាអោយបានថា អង្គការស្ត្រីមានសមត្ថភាពបង្រៀន និងប្រើប្រាស់បច្ចេកវិទ្យាព័ត៌មានដល់ស្ត្រីឯទៀត

សកម្មភាព និងក្រុមគោលដៅ

28-05-2009

កម្មវិធីស្ត្រី មានសកម្មភាពសំខាន់ៗ ចំនួនបីគឺ៖

១. វិបផតថលស្ដីអំពីស្ត្រី

១.១ កិច្ចប្រជុំវេទិការស្ត្រី
http://women.open.org.kh/km/womenforum

១.២ កិច្ចប្រជុំក្រុមទីប្រឹក្សានិពន្ធ និងខ្លឹមសារនៃវិបថតផលស្ដីអំពីស្ត្រី
http://women.open.org.kh/km/editorialgroup

២. វគ្គបណ្ដុះបណ្ដាលដើម្បីជំរុញការយល់ដឹង និងការកសាងសមត្ថភាពលើ ជំនាញ បច្ចេកវិទ្យា គមនាគមន៍ និងព័ត៌មានវិទ្យា
http://women.open.org.kh/km/ict-training-report

៣. ការសិក្សាស្រាវជ្រាវអំពីស្ត្រី និងការប្រើប្រាស់បច្ចេកវិទ្យា គមនាគមន៍ ព័ត៌មានវិទ្យា

ក្រុមគោលដៅគម្រោង

ស្រ្តីដែលជាសមាជិកនៃក្រុមប្រឹក្សាឃុំសង្កាត់ និងមន្រ្តីរាជការ
ស្ត្រីដែលមកពីស្ថាប័នបណ្ដាញ និងអង្គការស្ត្រី
តំណាងស្ត្រី និងបុរស ដែលមកពីស្ថាប័នរាជរដ្ឋាភិបាល និងអង្គការមិនមែនរដ្ឋាភិបាល
គ្រូបង្រៀនដែលជាស្ត្រី
យុវជន និងយុវនារី

ស្ថាប័នសហការ និងឧបត្ថម្ភ

28-05-2009

ស្ថាប័នសហការ

កម្មវិធីនេះអាចដំណើរការទៅបាន អាស្រ័យដោយការចូលរួម និងកិច្ចសហការជិតស្និទ្ធពីសំណាក់ស្ថាប័ននានា ដូចជា ស្ថាប័នរដ្ឋាភិបាល អង្គការមិនមែនរដ្ឋាភិបាល និងបណ្ដាញអង្គការស្ត្រីនានា នៅក្នុងប្រទេស និងនៅក្រៅប្រទេស និងស្ថាប័នសារព័ត៌មាន។ សម្រាប់ព័ត៌មានលម្អិតពីបញ្ជីស្ថាប័នផ្ដល់ព័ត៌មាន សូមចុចទីនេះ http://women.open.org.kh/km/information_sources ។ អង្គការវិទ្យាស្ថានបើកទូលាយ ដើរតួជាអ្នកសម្របសម្រួល ដើម្បីអោយមានភាពងាយស្រួលក្នុងការចូលមកកាន់ និងទទួលបានព័ត៌មានអំពីស្ត្រី ការពិភាក្សានិងផ្លាស់ប្ដូរយោបល់អំពីបញ្ហារបស់ស្ត្រី។

ស្ថាប័នឧបត្ថម្ភ គាំទ្រគម្រោង
កម្មវិធីនេះទទួលបានជំនួយឧបត្ថម្ភគាំទ្រហិរញ្ញវត្ថុពីមូលនិធិ Open Society Institute - OSI និង Spanish Agency of International Development Cooperation - AECID ។

ផលប្រយោជន៍ដែលទទួលបាន

28-05-2009

ស្ថាប័ន ឬអង្គការរបស់ លោក លោកស្រី ត្រូវបានជំរុញលើកទឹកចិត្ត និងស្វាគមន៍យ៉ាងកក់ក្ដៅ ក្នុងការចូលរួមជាមួយកម្មវិធីស្ត្រី តាមរយៈការចែករំលែកព័ត៌មានអំពីស្ថាប័នរបស់លោក លោកស្រី ព័ត៌មានអំពីបញ្ហាស្ត្រី ការចូលរួមក្នុងកិច្ចប្រជុំវេទិកាស្ត្រី កិច្ចប្រជុំក្រុមទីប្រឹក្សានិពន្ធ និងខ្លឹមសារនៃវិបផតថលស្ដីអំពីស្ត្រី និងចូលរួមក្នុងការពិភាក្សាតាមលក្ខណៈអេឡិចត្រូនិក ដែលមានលើវិបផតថលស្ដីអំពីស្ត្រី រួមមាន កំណត់ហេតុបណ្ដាញ(http://women.open.org.kh/km/blog) វេទិកាលើបណ្ដាញ (http://women.open.org.kh/km/forum) និងបញ្ជីសំបុត្ររួម (http://women.open.org.kh/km/mailing_list) ។ ការចូលរួមពីសំណាក់ លោក លោកស្រី និងនឹងការផ្តល់មតិកែលម្អរ ជាកត្តាដ៏សំខាន់ក្នុងការអនុវត្ត និងអភិវឌ្ឍន៍គម្រោងកម្មវិធីនេះ។

តើស្ថាប័នរបស់ លោក លោកស្រីទទួលបានផលប្រយោជន៍អ្វីខ្លះពីកិច្ចសហការជាមួយកម្មវិធីស្ត្រី?

ស្ថាប័ន ឬអង្គការរបស់ លោក លោកស្រី នឹងទទួលបានអត្ថប្រយោជន៍ជាច្រើនដូចជា៖

ទទួលបានទីកន្លែងសម្រាប់ធ្វើការផ្សព្វផ្សាយសកម្មភាពរបស់ស្ថាប័នលោក លោកស្រី លើវិបផតថលស្ដីអំពីស្ត្រី ដែលធ្វើឲ្យស្ថាប័នលោក លោកស្រីកាន់តែត្រូវបានគេស្គាល់ថែមទៀត និងជាពិសេសសម្រាប់ស្ថាប័នដែលពុំទាន់មានគេហទំព័រ
លោក លោកស្រីអាចបង្កើតកំណត់ហេតុបណ្ដាញផ្ទាល់ខ្លួនមួយ សម្រាប់ធ្វើការផ្សព្វផ្សាយបន្ថែមអំពីព័ត៌មាន ឬសកម្មភាពរបស់ស្ថាប័ន ឬអង្គការលោក លោកស្រីលើវិបផតថលស្ដីអំពីស្ត្រី ។
ទទួលបានការចូលរួមដោយផ្ទាល់ក្នុងការចែករំលែក និងទទួលយកព័ត៌មាន និង ចំណេះដឹងអំពីស្រ្តី និងការអភិវឌ្ឍន៍អោយ កាន់តែទូលំទូលាយ ថែមទៀត
ចូលរួមក្នុងការពិភាក្សាដោយផ្ទាល់ ឬតាមរយៈអេឡិចត្រូនិក
ទទួលបាននូវវគ្គបណ្ដុះបណ្ដាលដើម្បីកសាងសមត្ថភាពក្នុងការប្រើប្រាស់បច្ចេកវិទ្យាព័ត៌មាន ដើម្បីបង្កើនប្រសិទ្ធភាពការងារ ដែលជាកិច្ចសហប្រតិបត្តិការជាធ្លុងមួយ ក្នុងការបញ្ជ្រាបសមភាពយេនឌ័រ និងការចូលរួមក្នុងការអភិវឌ្ឍន៍សង្គមកម្ពុជា។
ទទួលបាននូវដំណឹងថ្មីៗ ទាក់ទងនឹងអាហារូបករណ៍ និងការស្វែងរកមូលនិធិ

រាល់ចំងល់ និងព័ត៌មានផ្សេងៗអំពីកម្មវិធីស្រ្តី សូមទំនាក់ទំនង៖
Mara Vidal López
អ្នកគ្រប់គ្រងគម្រោងស្ត្រី

អង្គការវិទ្យាស្ថានបើកទូលាយ
ផ្ទះលេខ ១៩ ផ្លូវលេខ ៣៧៤ (ទល់មុខសាលាសង្កាត់ទួលស្វាយព្រៃទី១)
សង្កាត់ទួលស្វាយព្រៃទី១ ខណ្ឌចំការមន
ប្រអប់សំបុត្រ ១៥៥២
ទូរស័ព្ទលេខ៖ ០២៣ ២២៤៨២១
សារអេឡិចត្រូនិច៖ women@open.org.kh
តំបន់បណ្តាញរបស់អង្គការ៖ www.open.org.kh