រាជធានីភ្នំពេញ៖ នៅសណ្ឋាគារ Imperial Garden Villa & Hotel កាលពីរសៀលថ្ងៃទី២៧ សីហា កន្លងមកនេះមានប្រារព្ធពិធីបិទវគ្គបណ្ដុះបណ្ដាលមគ្គុទ្ទេសក៍ទេសចរណ៍ភាសាចំរុះជំនាន់ទី៩តំបន់ភ្នំពេញក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍។ អញ្ជើញចូលរួមក្នុងឱកាសនោះមានលោក សំ ព្រហ្មនា រដ្ឋលេខាធិការក្រសួងទេសចរណ៍ លោក ជា សុធន អភិបាលរងរាជធានីភ្នំពេញ មន្ត្រីរាជការនៃក្រសួងទេសចរណ៍ និងសិក្ខាកាមយ៉ាងច្រើនកុះករ។
តាមរបាយការណ៍របស់លោក ចិន សាម៉ន ប្រធានមន្ទីរទេសចរណ៍រាជធានីភ្នំពេញបានឲ្យដឹងថា មន្ទីរបានទទួលពាក្យសុំរបស់បេក្ខជនកាលពីថ្ងៃទី១៦ មីនា ឆ្នាំ២០០៨ សរុបចំនួន២៧៥នាក់ ហើយបានធ្វើការប្រលងជ្រើសរើសលើវិញ្ញាសាសរសេរ និងវិញ្ញាសាផ្ទាល់មាត់ជាលទ្ធផលយើងទទួលបានសិក្ខាកាមប្រលងជាប់ចំនួន១៥៦នាក់ ក្នុងនោះស្រី២៦នាក់ ហើយបានបោះបង់ចោលការសិក្សាចំនួន៣នាក់ ដោយមូលហេតុជាប់បំពេញបានឲ្យដឹងថា មន្ទីរបានទទួលពាក្យសុំរបស់បេក្ខជនកាលពីថ្ងៃទី១៦ មីនា ឆ្នាំ២០០៨ សរុបចំនួន២៧៥នាក់ ហើយបានធ្វើការប្រលងជ្រើសរើសលើវិញ្ញាសាសរសេរ និងវិញ្ញាសាផ្ទាល់មាត់ជាលទ្ធផលយើងទទួលបានសិក្ខាកាមប្រលងជាប់ចំនួន១៥៦នាក់ក្នុងនោះស្រី២៦នាក់ ហើយបានបោះបង់ចោលការសិក្សាចំនួន៣នាក់ ដោយមូលហេតុជាប់បំពេញភារកិច្ច។ ការសិក្សាមានរយៈពេល៦០ម៉ោង ចាប់ពីថ្ងៃទី៦ ឧសភារហូតដល់ថ្ងៃទី៣០ កក្កដា ឆ្នាំ២០០៨ ដែលមានភាសាជំនាញដូចជា ភាសាអង់គ្លេស ចិន បារាំង វៀតណាម រុស្ស៊ី អាល្លឺម៉ង់ ជប៉ុន អេស្ប៉ាញ កូរ៉េ ថៃ និងអ៊ីតាលី។ សិក្ខាកាមទាំងអស់ត្រូវបានស្វែងយល់ផ្នែកទ្រឹស្ដីលើមុខជំនាញជាច្រើន និងបានធ្វើទស្សនកិច្ចសិក្សាស្រាវជ្រាវនៅតំបន់រមណីយដ្ឋានវប្បធម៌ប្រវត្តិសាស្ត្រមួយចំនួនដូចជារមណីយដ្ឋានសំបូរព្រៃគុហ៍ ខេត្តកំពង់ធំ រមណីយដ្ឋាន ភ្នំជីសូរ ប្រាសាទតាព្រហ្ម ប្រាសាទនាងខ្មៅ ខេត្តតាកែវ រមណីយដ្ឋានប្រវត្តិសាស្ត្រភ្នំព្រះបរមរាជវាំង សារមន្ទីរជាតិ សារមន្ទីរទួលស្លែង និងមជ្ឈមណ្ឌលប្រល័យពូជសាសន៍ជើងឯក។
លោក ថោង ខុន រដ្ឋមន្ត្រីក្រសួងទេសចរណ៍បានថ្លែងសំណេះសំណាលដោយគូសបញ្ជាក់ថា នៅតំបន់ភ្នំពេញនេះជាកន្លែងបណ្ដុះបណ្ដាលមគ្គុទ្ទេសក៍ទេសចរទី២ បន្ទាប់ពីខេត្តសៀមរាប ហើយបានវាយតម្លៃថា សិក្ខាកាមនៅភ្នំពេញមានគុណភាពល្អជាងនៅខេត្តសៀមរាប។ លោករដ្ឋមន្ត្រីបានជំរាបជូន និងផ្ដាំផ្ញើដល់សិក្ខាកាមទាំងអស់ថា នេះគ្រាន់តែជាការរៀនសូត្រមិនមែនមានន័យថា ចេញពីសាលាទៅប្រកបអាជីវកម្មបានទេ ចង់ក្លាយជាមគ្គុទ្ទេសក៍បាន ត្រូវមានអាជ្ញាប័ណ្ណមគ្គុទ្ទេសក៍ ទី១ត្រូវមានសញ្ញាបត្របណ្ដុះបណ្ដាលដែលទទួលស្គាល់ដោយក្រសួងទេសចរណ៍ ទី២មគ្គុទ្ទេសក៍ត្រូវមានសញ្ជាតិជាខ្មែរ។ ជាមួយគ្នានេះដែរ ត្រូវមានវិញ្ញាបនបត្រកាយសម្បទាបញ្ជាក់ពីនាយកដ្ឋានពេទ្យការងារ ឬមន្ត្រីសុខាភិបាលខេត្ត-ក្រុង ត្រូវមានលិខិតថ្កោលទោសបញ្ជាក់ពីក្រសួងយុត្តិធម៌ និងត្រូវមានលិខិតបញ្ជាក់កិរិយាមារយាទបញ្ជាក់ដោយសាលាឃុំដែលសាមីខ្លួនរស់នៅ នេះបើតាមសេចក្ដីព្រាងដែលចែងនៅក្នុងអនុក្រឹត្យ។
លោក ថោង ខុន បានរំលឹកថា ដើម្បីលើកកំពស់កិត្យានុភាពជាតិលើកកំពស់នយោបាយទេសចរណ៍សុំឲ្យសិក្ខាកាមទាំងអស់យកចិត្តទុកដាក់អនុវត្តក្រមសីលធម៌ឲ្យបានល្អ មិនត្រូវភូតកុហកភ្ញៀវទេដែលបញ្ហានេះបានកើតមានរួចហើយនៅខេត្តសៀមរាបដូច្នេះការឲ្យមានអាជ្ញាប័ណ្ណជាការសំខាន់ណាស់ ព្រោះដើម្បីងាយស្រួលតាមដានរបស់ប៉ូលិសទេសចរណ៍៕