ជាធម្មតាខ្ញុំតែងឃើញប្រជាជនខ្មែរភាគច្រើនចូលចិត្តរៀបការក្លែងក្លាយដើម្បីទៅរស់នៅឯក្រៅប្រទេសព្រោះពួកគេគិតថានៅទីនោះងាយស្រួលក្នុងការរកបា្រក់ចំណូលសំរាប់ផ្គត់ផ្គង់គ្រួសារនិងបងប្អូន ប៉ុន្តែគេមិនគិតថាការរៀបការក្លែងក្លាយមានផល់ប៉ះពាល់ជាច្រើនដូចជាអ្នកខ្លះចាញ់បោកគេហើយទៅដល់ស្រុកគេគ្មានការងារធ្វើនិងមានបញ្ហាជាច្រើនទៀត។
អាពាហ៌ពិពាហ៌ក្លែងក្លាយងាយនឹងក្លាយទៅជាជនរងគ្រោះនៃអំពើជួញដូរមនុស្ស
ពិតណាស់អាពាហ៌ពិពាហ៌ជាមួយជនបរទេសមួយចំនួនមិនមែនជាអាពាហ៌ពិពាហ៌ដែលរៀបការដើម្បីក្លាយជាប្តីប្រពន្ធមួយពិតប្រាកដនោះទេ។
គឺដោយសារតែខ្វះការពិចារណានិងដោយសារតែគិតថាការរៀបអាពាហ៌ពិពាហ៌ជាមួយជនបរទេសនិងទៅនៅបរទេសអាចអោយពួកគាត់រស់នៅស្រួលនិងមានលុយច្រើន
តែពួកគាត់មិនបានគិតពីផលលំបាកដែលវានឹងកើតឡើងនោះទេ
ដូចជាជនបរទេសទាំងនោះរៀបការជាមួយយើងគឺដើម្បីយកទៅលក់នៅប្រទេសរបស់គេ។
មានស្រ្តីច្រើនណាស់ដែលជួបប្រទះនូវបញ្ហាទាំងនេះ
និងទទួលរងនូវអំពើហិង្សាពីសំណាក់ជនបរទេសទាំងនោះទៀតផងពេលដែលពួកគាត់ចង់ត្រឡប់មកវិញមិនដឹងជាទៅទំនាក់ទំនងជាមួយអ្នកណាព្រោះខ្លួនមិនសូវស្គាល់ប្រទេសគេដូច្នេះមានតែទ្រាំនៅទំរាំខ្លួនអាចរកផ្លូវដើម្បីត្រឡប់មកស្រុកវិញ។