គ្រឿងផ្សំ
-បង្គាស្ងោរ ១០ក្បាល
-ស្លឹកស្អំក្ដិចត្រួយ ១ចាន
-ស៊ុតមាន់ ១គ្រាប់
-កាពិដុត ២ស្លាបព្រា
-ខ្ទឹមស ១២កំពឹស
-បង្គាស្ងួត (ម៉ដ្ឋ) ១ស្លាបព្រា
-ទឹកត្រី កន្លះស្លាបព្រា
-ស្ករ ១ស្លាបព្រា
-ទឹកក្រូចឆ្មារ ២ស្លាបព្រា
-ម្ទេសខ្មាំង ១២គ្រាប់
-ម្សៅស៊ុបខ្នរ ១ស្លាបព្រាកាហ្វេ
-ប្រេងឆា។
វិធីចម្អិន
១-បកសម្បកបង្គាស្ងោរ កាត់ក្បាល និងកន្ទុយចេញ។
២- គោះស៊ុតដាក់ចាន កូរលាយជាមួយស្អំ។
៣- ដាក់ខ្ទះ ចាក់ប្រេងចូលទុកឲ្យក្ដៅខ្លាំងរួចដាក់ពុម្ព (បើមាន) ហើយចាក់ស្អំ និងស៊ុតចូល។ បន្ថែមបង្គាមួយដុំៗឲ្យបាន ៥ក្បាល (សម្រាប់ ២ដុំ)។
៤- បុកច្របល់កាពិជាមួយខ្ទឹមសឲ្យម៉ដ្ឋ ដាក់ម្ទេសខ្មាំងចូល។ បន្ទាប់មកដាក់បង្គាស្ងួត ទឹកត្រី ស្ករទឹកក្រូចឆ្មារ កូរច្របល់ថ្នមឲ្យចូលគ្នាល្អ និងដាក់ម្សៅស៊ុបខ្នរ។
៥- រៀបដាក់ចានតាមតម្រូវការ។