ត្រប់​ឆា​ស្ងួត​

គ្រឿង​ផ្សំ​


-ត្រប់​វែង​ ២​ផ្លែ
-យីហ៊ឺ​ ១/៤​ពែង​
-បង្គា​ក្រៀម​ ២-៣​ស្លាបព្រាបាយ
-ដើម​ខ្ទឹម​ហាន់​ ២​ដើម​
-ម្ទេស​ដៃ​នាង​ យក​គ្រាប់​ចេញ​ ចិត​បន្ទះ​វែងៗ​ ១​ផ្លែ
-ម្ទេស​អាចម៍​ឆ្មា​គ្រាប់​ធំ​ ហាន់​ជា​ចំណិត​ (បើ​សិន​មិន​ចូល​ចិត្ត​ មិន​ដាក់​ក៏​បាន) ២​ផ្លែ
-ខ្ទឹម​ស​ហាន់​ធំៗ​ ១/២​ស្លាបព្រាបាយ​
-ប្រេង​​សម្រាប់​ឆា​ និង​ចៀន
-ទឹក​ស៊ីអ៊ីវ​​សម្រាប់​ផ្សំ​រសជាតិ
-ការ៉ុត​ ចិត​សម្រាប់​តុបតែង​

  • វិធី​ធ្វើ​

១- ត្រាំ​យីហ៊ឺ​ និង​បង្គា​ក្រៀម​ក្នុង​ទឹក​ រហូត​ដល់​ទន់​ យក​យីហ៊ឺ​មក​ចិញ្ច្រាំ​​ធំៗ​ល្មម​ ចំណែក​ឯ​បង្គា​ក្រៀម​​ដំ​ឲ្យ​សំប៉ែត​ល្មម​ ទុក​សិន។

២- ចិត​ត្រប់​វែង​ជា​ចំណិតៗ​ប្រវែង​៣.៥​ស.ម​ ចៀន​ក្នុង​ខ្លាញ់​ក្ដៅ​ រហូត​ដល់​ចាប់​​ផ្ដើម​ស្លោក​ស្វិត​ ដួស​ឡើង​​សម្រស់​ខ្លាញ់​​ទុក​សិន។

៣- ដាក់​ដាំ​ខ្ទះ​ ដាក់​ប្រេង​ឆា​ រហូត​ក្ដៅ​ ដាក់​​ខ្ទឹម​ស​ ម្ទេស​ដៃ​នាង​ ម្ទេស​​អាចម៍​សត្វ​ ដើម​ខ្ទឹម​ហាន់​ ចៀន​ឲ្យ​បាន​ក្លិន​ឈ្ងុយ​ សឹម​ដាក់​យីហ៊ឺ​ និង​បង្គា​ក្រៀម​ឆា​រួម​គ្នា​ (បើក​ភ្លើង​ល្មមៗ) ឲ្យ​យីហ៊ឺ​ឆ្អិន​ ដាក់​ត្រប់​វែង​ ដែល​ឆា​ទុក​ មក​ឆា​ជាមួយ​គ្នា​ ដាក់​ទឹក​ដែល​ត្រាំ​យីហ៊ឺ​​បន្តិច​ដាក់​ទឹក​ស៊ីអ៊ីវ​ ដំឡើង​ភ្លើង​ឲ្យ​ខ្លាំង​​បន្តិច​ ឆា​រហូត​ហួត​ទឹក​ មុន​នឹង​ដួស​ឡើង​ រួច​រោយ​ការ៉ុត​តុបតែង​ឲ្យ​ស្អាត៕