បញ្ជី​​សំបុត្រ​រួម

ក្នុង​គោល​បំណង​ជំរុញ​អោយ​មាន​ការ​ប្រាស្រ័យ​ទាក់​ទង​ និង​ការ​បង្កើន​ទំនុក​ចិត្ត​ក្នុង​ការ​បញ្ចេញ​មតិ​យោបល់ កម្មវិធីស្ត្រី​​នៃ​អង្គការ​វិទ្យាស្ថាន​បើក​ទូលាយ​ ព្យាយាម​ផ្តល់​ជូននិង​សំរប​សំរួល​ ​រាល់​មធ្យោបាយ​ទំនាក់​ទំនង​​ ដូចជា​៖​ វេទិកា​លើ​បណ្តាញ​(Online Forum) កំណត់​​ហេតុ​បណ្តាញ (Blog)​ និង​បញ្ជី​សំបុត្ររួម​(Mailing list)។​

បញ្ជី​សំបុត្ររួម គឺ​ជា​ការ​ប្រមូល​ផ្តុំ​នូវ​ឈ្មោះ​ និង​អាស័យដ្ឋាន​សារ​អេឡិចត្រូនិច​ ដែល​អាច​ប្រើប្រាស់​ជា​លក្ខណៈ​ក្រុម​ ឬ​ជា​លក្ខណៈ​ស្ថាប័ន​ សំរាប់​ចែក​ចាយ​ព័ត៌មាន​ ឬ​សំរាប់​ពិភាក្សា​ ជាមួយ​សមាជិក​​របស់បញ្ជី​សំបុត្ររួម​​​។ បញ្ជី​សំ​បុត្រ​រួម​នឹង​ត្រូវ​បង្កើតឡើង​និង​ដាក់​ឈ្មោះ​ទៅ​តាម​ប្រ​ធាន​បទ​ដែល​អ្នក​បង្កើត​មាន​ការ​ចាប់​អារម្មណ៏។ ​​សមាជិក​របស់បញ្ជី​សំបុត្ររួម​ទាំងអស់​ នឹង​ទទួល​បាន​រាល់​ព័ត៌មាន​និង​ការ​ពិភាក្សា​​​ តាម​រយៈ​សារ​អេឡិចត្រូនិច​​ ដែល​ផ្ញើ​ទៅកាន់​អាស័យដ្ឋាន​របស់​បញ្ជី​សំបុត្ររួម​ក្នុង​ពេល​វេលា​និង​ខ្លឹម​សារ​តែ​មួយ​។ ការ​​ចែក​ចាយ​ព័ត៌មាន​ ឬ​ការ​ពិភាក្សា​ អាច​ជា​ភាសា​ខ្មែរ​ ឬ​ភាសា​អង់គ្លេស​។​ សំរាប់​ការ​ពិភាក្សា​ជា​ភាសា​ខ្មែរ​ ក្រុម​ការងារ​របស់​យើង​ខ្ញុំ​ នឹង​ប្រើប្រាស់ខ្មែរ​​យូនីកូដ​ ប្រសិន​បើ​លោក​អ្នក​ចង់​ស្វែង​យល់​អំពី​ខ្មែរ​យូនីកូដ​ និង​របៀប​ដំឡើង​ សូម​ចុច​ត្រង់​នេះ​។​

កម្មវិធី​ស្ត្រី​របស់​អង្គការ​វិទ្យាស្ថាន​បើក​ទូលាយ​​ បាន​បង្កើតបញ្ជី​សំបុត្រ​រួម​​មួយ​ ដែល​មាន​អាសយដ្ឋាន​ gender[@]lists.open.org.kh សំរាប់​ចែក​ចាយ​ព័ត៌មាន​ និងពិភាក្សា​ ​អំពីបញ្ហា​យេនឌ័រ​ក្នុង​ប្រទេស​កម្ពុជា​។​ យើង​ខ្ញុំមាន​ក្តី​សោមនស្ស​​រីករាយ​ ​ក្នុងការ​ចូលរួម​របស់​លោក​អ្នក​ ជា​សមាជិក​របស់​បញ្ជី​សំបុត្រ​រួម​នេះ។​

ការចូល​ជា​សមាជិក

ដើម្បី​ចូល​ជា​សមាជិក​ របស់បញ្ជី​សំបុត្រ​រួម gender[@]lists.open.org.kh សូមផ្ញើរ​សារ​អេឡិចត្រូនិច​ទទេ​មួយ ​មក​កាន់​អាស័យដ្ឋាន​ gender-subscribe[@]lists.open.org.kh រួចលោក​អ្នក​នឹង​ទទួល​បាន​សារអេឡិចត្រូនិច​មួយ​ដើម្បី​អៈអាង​ពីការ​ចូល​ជា​សមាជិក​។

ការ​ចាក​ចេញ​ពី​សមាជិក

ប្រសិន​បើ​លោក​អ្នក​ ចង់​ចាក​ចេញ​ពី​សមាជិក​​របស់​បញ្ជី​សំបុត្រ​រួម​នេះ​ សូមផ្ញើរ​សារ​អេឡិចត្រូនិច​​ទទេ​មួយ​ មក​កាន់​អាស័យដ្ឋាន​ gender-unsubscribe[@]lists.open.org.kh រួចលោក​អ្នក​នឹង​ទទួល​បាន​សារអេឡិចត្រូនិច​មួយ​ដើម្បី​អៈអាង​ពីការចាកចេញ​​ពី​សមាជិក​។

ព័ត៌មាន​ខ្លះ​នៃ​ទំព័រ​នេះ​ ត្រូវ​បាន​ដកស្រង់​ពី​ wikipedia ជា​ភាសា​អង់គ្លេស​ ស្តី​អំពី​បញ្ជី​សំបុត្រ​រួម​​ និង​បកប្រែ​ពី​ភាសា​អង់គ្លេស​មក​ជា​ភាសា​ខ្មែរ​ ដោយ​អង្គការ​វិទ្យាស្ថាន​បើក​ទូលាយ​។​ សូម​អាន​ព័ត៌មាន​បន្ថែម ​អំពីបញ្ជី​សំបុត្រ​រួម ​នៅ​លើ​តំបន់​បណ្តាញ​របស់​ wikipedia http://en.wikipedia.org/wiki/Mailing_list